पेट्रोल खानीको अन्वेषण भएको ३५ वर्ष बितेपनि वास्ता गरिएन

इच्छाकामना न्युज

१२, कार्तिक २०७९

पेट्रोल खानीको अन्वेषण भएको ३५ वर्ष बितेपनि वास्ता गरिएन

अमर खड्का, सुनसरी । पूर्व–पश्चिम राजमार्ग अन्तर्गत मोरङको कानेपोखरी जङ्गलछेउको बाटोमा राखिएको एउटा बोर्डले यात्री सबैको ध्यान खिच्छ । किनकि, बोर्डमा लेखिएको छ पेट्रोल खानी जाने बाटो । नेपालमा पेट्रोल खानी छ र ?भन्ने कौतुहलताले बाटोलाई पछ्याउदै जाने सबैको मन निराश हुन्छ ।

कारण, पेट्रोल खानी भएको भनिएको स्थानमा अरु संरचना केही देखिदैन, देखिन्छ त केवल तारजालीले बारेको झाडी । खानी रहेको भनिएको क्षेत्रमा पाँच वटा भत्केका गोदाम रहेका छन् । खानीको सुरक्षाका लागि सरकारले २ जना चौकीदार खटाएको छ भने वरिपरि घेराबेरा समेत गरेको छ । तर खानीमा कर्मचारी बस्दैनन् ।

उद्योग मन्त्रालयले संरक्षण गर्दै आएको उक्त क्षेत्र हाल भने गौ चरणमा परिणत भएको छ । बेलबारी–८ मोरङको बाहुनीमा पेट्रोल खानीको अन्वेषणको काम ३५ वर्ष अघि सुरु गरिएको भएपनि हालसम्म बाटो पहिल्याइएको छैन ।

पछिल्लो समय २०७३ साल वैशाखमा चिनियाँ टोली नेपाल आएर सम्भावित क्षेत्रका चट्टान लगायत नमूना परीक्षणका लागि लिएर गएको भएपनि हालसम्म त्यसको विस्तृत प्रतिवेदन समेत सार्वजनिक भएको छैन ।

खानी भए नभएको बारेमा सरकारले प्रष्ट नगर्दा आपूmहरू पनि अलमलको अवस्थामा रहेको बेलबारी नगरपालिकाका नगर प्रमुख बताउनुहुन्छ ।

५ विगाहा क्षेत्रफमा फैलिएको खानीको क्षत्रेलाइ बेवारिसे अवस्थामा छोड्नु भन्दा तत्काल उत्खननको प्रक्रिया थाल्न स्थानीयले माग गरेका छन् ।