- बिहिवार, कार्तिक २० गते २०८३
TRENDING
काठमाण्डौ । स्वास्थ्य बीमा कार्यक्रम सुरूवात भएको ७ वर्षमा २२ प्रतिशत नागरिक बीमा कार्यक्रममा जोडिएको स्वास्थ्य बीमा बोर्डले जनाएको छ । सरकारले २०७२ सालबाट कैलाली, इलाम र बागलुङसहित ३ जिल्लाबाट सुरू गरेको स्वास्थ बीमा कार्यक्रम हाल ७७ वटै जिल्लामा पुगेको छ । बीमा कार्यक्रममार्फत् ५ जनासम्मको परिवारले ३ हजार ५ सय र ५ जनाभन्दा बढी सदस्य भए, प्रतिसदस्यका दरले ७ सय रूपैयाँ बुझाए २० हजारदेखि २ लाखसम्म निःशुल्क उपचार गर्न पाउने व्यवस्था रहेको छ ।
चालु आर्थिक वर्ष भरीमा ३५ प्रतिशत नागरिकलाई स्वास्थ्य बीमामा जोड्ने लक्ष्य रहेको बोर्डका प्रवक्ता शम्भु प्रसाद ज्ञवालीले सीआइएनसँग बताउनुभयो । सरकारले अति गरिब, ज्येष्ठ नागरिक, एचआइभी÷एड्स सङ्क्रमित, महिला स्वास्थ्य स्वयंसेविका, अतिअशक्त अपाङ्गता भएकालाई भने निःशुल्क बीमा गर्ने गरेको छ, तर पनि स्वास्थ्य बीमा कार्यक्रममा नागरिकको सहभागिता उलेख्य हुन सकेको छैन ।
स्वास्थ्य बीमा कार्यक्रम अन्तरगत हालसम्म २३ अर्ब रूपैयाँ निकासा गरिसकेको छ । अझै ५ अर्ब रूपैयाँ निकासा गर्न बाकी रहेको समेत उहाँले बताउनुभयो ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
