- शनिवार, आश्विन ३ गते २०८३
TRENDING
स्नेहा कर्ण, काठमाडौँ । मधेशका दलित समुदायका किशोरी आफ्नो अधिकारका लागि सचेतना फैलाउने अभियानमा लागेका छन् ।समाजमा दलित भएकै कारण हुने विभेद र त्यसमा पनि छोराछोरीबीच हुने विभेद अन्त्यका लागि पनि उच्च शिक्षा हासिल गर्ने उनीहरूको अठोट छ ।
मधेशमा अझै पनि महिलालाई घरबाट बाहिर निस्कन, उच्च शिक्षा हासिल गर्न, राजनीतिक गतिविधिमा संलग्न हुन प्रोत्साहित नगर्ने परिपाटी रहेको अधिकारकर्मी बताउँछन् ।
यस्ता प्रतिबन्ध र भेदभाव महिला र पुरुष, छोरा र छोरीमा मात्रै छैन, दलित समुदायका महिलामाथि झन् बढी विभेद हुन्छ । तर, पछिल्लो समय शिक्षा, प्रविधि र विभिन्न प्रशिक्षणसँगै दलित समुदायका हकअधिकारका बारेमा किशोरीहरू सचेत हुन थालेको दलित अधिकारकर्मी विनोद महराले बताउनुभयो ।
पछि पारिएका दलित समुदायका किशोरीमाथि हुने हिंसा र विभेद अन्त्यका लागि प्रदेश सरकारले महिला शसक्तिकरणसम्बन्धी ऐन बनाएको छ । तर, विभेदका शृङ्खला रोकिएका छैनन् ।
मधेशमा दलित किशोरीहरू कति छन् भन्ने तथ्याङ्क प्रदेश सरकारसँग छैन । प्रविधिको प्रयोग, खुल्दै गएको समाज र पाउँदै आएका विभिन्न अवसरका कारण किशोरीहरू आफ्नो, परिवार र समुदायको बारेमा निर्धक्क भन्न सक्ने भएका छन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
