कुरिनटार । मंसिर ४ गते हुने प्रदेश तथा प्रतिनिधि सभा निर्वाचनमा चितवनको इच्छाकामना गाउँपालिकाबाट नेकपा एमालेका ३ जना आकंक्षी देखिएका छन् । चितवन क्षेत्र २ को प्रदेशसभा  ‘क’मा नेकपा एमालेका युवा नेता प्रकाश अधिकारी, चन्द्रमणी सापकोटा र कृष्ण सिलवालले दाबी गर्ने भएका हुन् ।

प्रदेश कमिटी सदस्य तथा चितवन क्षेत्र नम्बर २ ‘क’का इन्चार्ज समेत रहनुभएका अधिकारीले प्रदेश सभा ‘क’ बाटै आफ्नो उम्मेद्वारी दाबी रहने बताए । अब पालो युवाहरुको भएकाले आफुले पार्टीमा उम्मेद्वारी दाबी गर्ने बताए। समाजशास्त्र र राजनितिक शास्त्रमा डिग्री गरेका अधिकारीले विकास र समृद्धिका लागि युवाहरु अघि आउनुपर्ने बताए । निर्वाचन क्षेत्रका अग्रज नेता युवाहरुको आफुप्रतीे सद्भाव रहेको भन्दै अधिकारीले सबैको साथ र सहयोग रहने विश्वास व्यक्त गरेका छन्।

प्रदेश सभाका आकाक्षीं चन्द्रमणी सापकोटा नेकपा एमाले बागमती प्रदेश कमिटि सदस्य हुन् भने पार्टीको इच्छाकामना गाउँकमिटिका सहजकर्ता पनि हुन्। पूर्व माओवादी रहेका सापकोटा नेकपा बनेर फुटेपछि एमालेमा लागेका हुन्। पार्टी एकताको भावना बमोजिम सबैलाई समानुपातिक रुपमा समेटिनुपर्नेमा जोड दिदै उनले प्रदेश सभामा आफ्नो दावी रहेको बताए ।

प्रदेशमा अर्का आकाक्षीं कृष्ण सिलवाल पूर्व जनप्रतिनिधि हुन् । हाल नेकपा एमालेका गाउँ कमिटी अध्यक्ष समेत रहेका सिलवाल पुर्व साविकको दारेचोक गाविसका निर्वाचित उपाध्यक्ष हुन्। प्रष्ट वक्ताको रुपमा परिचित सिलवालले पनि प्रदेश सभा क्षेत्र नम्बर २ ‘क’ बाटै आफ्नो उम्मेद्वारी दाबी रहने बताए ।

यस पटक इच्छाकामनाले प्रदेश सभा सदस्यमा टिकट पाउनुपर्ने नेकपा एमाले इच्छाकामनाको दाबी छ । आंकक्षीहरु मध्येबाट जसले टिकट पाएपनि इच्छाकामनाले यसपटक टिकट पाउनुपर्ने दाबी सबै आकाक्षीं रहेको छ ।