- शनिवार, कार्तिक २२ गते २०८३
TRENDING
काठमाण्डौ । राष्ट्रिय सभाको बैठक आज बस्दैछ । बैठक बिहान ११ बजे बस्ने छ । आज बस्ने बैठकबाट नागरिकता विधेयक पारित हुने अनुमान गरिए पनि त्यसो नहुने भएको छ ।
नेताहरूले प्रतिनिधि सभाबाट गत शुक्रवार पारित भएको नागरिकता विधेयक आज बस्ने बैठकले पारित गर्ने बताएका थिए । तर,आजको बैठकमा नागरिकता विधेयकसम्बन्धी कुनै पनि छलफल वा प्रस्ताव प्रस्तुत गर्ने कार्यसूची नरहेको संसद् सचिवालयले जनाएको छ ।
सचिवालयका महासचिव डा. भरतराज गौतमका अनुसार आजको बैठकमा राष्ट्रिय सभाका सचिव राजेन्द्र फुयालले प्रतिनिधि सभाबाट सन्देशसहित प्राप्त कारागार विधेयक, २०७६ टेबल गर्नुहुनेछ ।
यस्तै उहाँले राष्ट्रिय सभाबाट पारित भई सन्देशसहित प्रतिनिधि सभामा पठाइएको योगमाया आयुर्वेद विश्वविद्यालय विधेयक, २०७९ को सम्बन्धमा प्रतिनिभि सभाबाट प्राप्त सन्देशको जानकारी गराउने हुनेछ ।
त्यसैगरी आजको बैठकमा शपथ सम्बन्धी विधेयक पारितका लागि प्रस्ताव प्रस्तुत गर्ने कार्यसूची छ । नेपाल इन्जिनियरिङ परिषद् पहिलो संशोधन विधेयक माथि प्रतिनिधि सभाबाट भएको संशोधन उपर विचार गरियोस् भन्ने प्रस्ताव तथा ज्येष्ठ नागरिक सम्बन्धी पहिलो शंसोधन विधेयक माथि प्रतिनिधि सभाबाट भएको संशोधन उपर विचार गरियोस् भन्ने प्रस्ताव प्रस्तुत हुने कार्यसूची रहेको संसद् सचिवालयले जनाएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
