- शुक्रवार, कार्तिक २१ गते २०८३
TRENDING
नवलपुर (नवलपरासी) राजमार्गमा हुने दुर्घटना न्यूनीकरणका लागि नवलपुरमा ट्राफिक प्रहरीले ‘नमस्ते’ अभियान सञ्चालन गरेको छ । प्रहरीले सबै खालका सवारीसाधनलाई सडक किनारमा रोकेर नमस्ते गर्दै उनीहरुलाई लेन अनुशासन र सडक सुरक्षाबारे जानकारी गराउन सुरु गरेको हो ।
ट्राफिक प्रहरीले पूर्वपश्चिम राजमार्गको प्रवेश विन्दु गैँडाकोट र दाउन्नेमा सुरक्षा सचेतना सञ्चालन गरिरहेको बर्तौलाले बताउनुभयो । “सवारीसाधनलाई रोकेर विनम्रतापूर्वक चालकलाई ट्राफिक नियम, लेन अनुशासन र तीव्र गतिबारे जानकारी गराउने गरेका छौँ”, बर्तौलाले भन्नुभयो, “सुरक्षित गन्तव्य हाम्रो चाहना हो, जसबाट यात्रु पनि सुरक्षित रहनसक्नुहुन्छ ।”
सडक विस्तार भएसँगै जिल्लामा विभिन्न स्थानमा फरक फरक गति निर्धारण गरिएको भन्दै बर्तौलाले तोकिएको गतिभन्दा तीव्र सवारीसाधन सञ्चालन नगर्न आग्रह गर्नुभयो । सडकमा हुने सवारीसाधन दुर्घटनामध्ये अधिकांश तीव्र गतिका कारण हुने गरेको भन्दै उहाँले गति नियन्त्रण तथा लेन अनुशासन पालन गरेको अवस्थामा दुर्घटना न्यूनीकरण हुने बताउनुभयो ।
सडक प्रयोगसम्बन्धी सचेतनासँगै ट्राफिक प्रहरीले मादक पदार्थ सेवन ९मापसे० जाँच, क्षमताभन्दा बढी यात्रु राख्ने सवारीसाधन र बढी भाडा लिने सवारीसाधनको अनुगमन तथा कारबाही गर्ने काम गरिरहेको बर्तौलाको भनाइ छ । ट्राफिक प्रहरी र जनपद प्रहरीको संयुक्त पहलमा अनुगमन तथा सवारी जाँचको काम भइरहेको बर्तौलाले बताउनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
