- शुक्रवार, कार्तिक २१ गते २०८३
TRENDING
काठमाण्डौ, १८ चैत । नेपाल फिफा वरियतामा एक स्थान तल झरेको छ । विश्व फुटबलको सर्वोच्च निकाय फिफाले सार्वजनिक गरेको पछिल्लो वरियतामा नेपाल एक स्थान तल झरेर १ सय ६८ औँ स्थानमा झरेको छ । नयाँ वरियतामा नेपालले कुल ९७८ दशमलव ८६ अङ्क जोडेको छ । दक्षिण एसियामा नेपाल तेस्रो स्थानमा छ ।
नेपालले केही दिनअघि मात्रै थाइल्याण्डसँग अन्तर्राष्ट्रिय मैत्रीपूर्ण फुटबल खेलेको थियो । नेपाल थाइल्याण्डसँग २–० ले पराजित भएको थियो । त्यस्तै दक्षिण एसियामा शीर्ष स्थानमा रहेको भारत पनि दुई स्थान झरेर १०६ औँ स्थानमा झरेको छ । १५६ औं स्थानमा रहेको माल्दिभ्स दुई स्थान सुधार गर्दै दक्षिण एसियामा दोस्रो स्थानमा छ ।
त्यस्तै, १८७औँ स्थानमा रहेको भुटान दक्षिण एसियामा चौथो स्थानमा रहेको छ भने १८८औँ स्थानमा रहेको बंगलादेश दक्षिण एसियामा पाँचौँ स्थानमा छ । १९७ औं स्थानमा रहेको पाकिस्तान दक्षिण एसियामा छैटौं स्थानमा छ भने २०५औँ स्थानमा रहेको श्रीलंका दक्षिण एसियाको पुछारमा छ ।
त्यस्तै, यस पटक फिफाको पछिल्लो वरियतामा ब्राजिल शीर्ष स्थानमा उक्लिएको छ । ब्राजिल पाँच वर्षपछि फिफा वरियतामा शीर्ष स्थानमा उक्लिएको हो । बेल्जियम दोस्रो स्थानमा र विश्व च्याम्पियन फ्रान्स तेस्रो स्थानमा छन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
