काठमाडौं, ४ माघ । नेपाल पञ्चाङग निर्णायक समितिले आगामी वर्ष २०७९को पात्रो तयार पारेको छ । माघ १५ गते बजारमा ल्याउन स्वीकृति समेत दिएको छ । समितिले तयार पारेको पात्रो्अनुसार दसैंको टीका असोज १९मा परेको छ भने मध्ये तिहारमा चन्द्रग्रहण लाग्ने जानकारी दिइएको छ । 

समितिका सदस्य सचिव सूर्यप्रसाद ढुंगेलका अनुसार भदौ २६ गते सोह्रश्राद्ध सुरु भई असोज ९ गते सकिने छ । 

असोज १० गते घटस्थापना परेको छ भने १६ गते फूलपाती परेको छ । १७ गते महाअष्टमी, १८ गते महानवमी परेको छ टीका असोज १९ गते परेको छ भने असोज २३ मा कोजाग्रत पूर्णिमा परेको छ । 

कात्तिक १० गते भाइटीका परेको छ । कात्तिक ६ गते कागतिहार छ भने कात्तिक ७ गते कुकुरतिहार र लक्ष्मीपूजा एकैदिन परेको छ । कात्तिक ८ गते गाईतिहारको दिन सूर्यग्रहण परेको छ । त्यसदिन ग्रहणले ढाकिएको नेपाल पञ्चाङ्ग निर्णायक समितिले जनाएको छ ।

समितिले विभिन्न १४ वटा पात्रोलाई तिथिमितिसहितको विवरण उपलब्ध गराएर माघ १५ गते बजारमा ल्याउन स्वीकृतिसमेत दिइसकेको छ । विक्रमसम्मत २०७९मा अधिकमास अर्थात् मलमास परेको छैन । त्यसैले मुख्य चाडहरु अगाडि सरेका छन् । 

कात्तिक ९ गते गोबद्र्धनपूजा र  म्हपूजा परेको छ ।

वैशाखे पूर्णिमा, बुद्धजयन्ती तथा उभौली पर्व जेठ २ गते परेको छ । शिव र पार्वतीको विवाह भएको दिन अक्षय तृतिया वैशाख २० मा परेको छ । 

असार २६ मा हरिशयनी एकादशी परेको छ भने असार २९मा गुरु पूर्णिमा परेको छ । नागपञ्चमी साउन १७ मा परेको छ भने साउन  २७ मा जनै पूर्णिमा परेको छ । तिथिका कारण गाइजात्रा पनि त्यही दिन परेको छ । 

भदौ ३ गते कृष्ण जन्माष्टमी परेको छ भने भदौ ११ मा बाबुको मुख हेर्ने दिन अर्थात् कुशे औंसी परेको छ । तीज भदौ १४ मा परेको छ भने इन्द्रजात्रा भदौ २४मा परेको छ । गौरापर्व भदौ १८ मा परेको छ । 

छठ पर्व कात्तिकमा परेको छ भने कात्तिक १८ मा हरिबोधनी अर्थात् ठूली एकादशी परेको छ । 

२२ गते खग्रास चन्द्रग्रहण परेको छ । साँझमै सुरु हुने ग्रहणमा चन्द्रमा पूरै ढाकिने छ । कालै चन्द्रमा उदाउने हुँदा देख्न नै मुस्किल हुने छ । कात्तिक ८मा सूर्यग्रहण र कात्तिक २२मा चन्द्रग्रहण हुँदा एउटै महिनामा दुइपटक ग्रहण लाग्ने पञ्चांग निर्णायक समितिले जनाएको छ । 

मंसिर १२ मा विवाह पञ्चमी परेको छ । विवाह पञ्चमीमा विवाह गर्न चाहनेले साइत हेराउनुनपर्ने मान्यता रहिआएको छ ।

समितिका अनुसार २०७९ मा ५० भन्दा बढी विहेका लगन रहेका छन् । ढुंगेलका अनुसार वैशाख र जेठमा विहेका लगन बढी छन् । बाह्रखरीबाट