गोरखा, ५ मंसिर । कृषि मन्त्री तथा साँसद लेखबहादुर थापामगरले आफ्नो क्षेत्रको बिकास कार्यक्रमलाई आएको २ करोडको योजना छनौट गरेका छन् ।

मन्त्री थापामगरले गोरखा निर्वाचन क्षेत्र नम्बर १ (क) को निर्वाचन क्षेत्र बिकास कार्यक्रममा प्राप्त २ करोड करोड रुपैयाबाट २५ वटा योजना छनोट भएका छन् ।

मन्त्री थापामगरको अध्यक्षतामा बसेको निर्वाचन क्षेत्र पूर्वाधार बिकास कार्यक्रम निर्देशक समितिको बैठकले सडक स्तरोन्नती, सामुदायिक भवन निर्माण लगायतका बिभिन्न २५ शिर्षकमा बजेट बाँडफाँड गरेका हुन् ।

कार्यक्रम अन्र्तगत गोरखा नगरपालिका २ स्थित कोखेआहाले देउराली डाँडा गाइखुर सडक स्तरोन्नतीका लागि २५ लाख, आहाले मुस्लिम कब्रस्थानमा कम्पाउण्ड निर्माणका लागि २५ लाख छुट्याइएको मन्त्री थापामगरले जानकारी दिए ।

त्यस्तै गोरखा नगरपालिका ५ स्थित सतिपिपल–स्वाँरा–घलाङ सडक स्तरबृद्धिका लागि ८ लाख, गण्डकी गाउँपालिका ३ मा तिवारी गाउँदेखि भैरव मन्दिरसम्म पुग्ने सिढी बाटो निर्माणका लागि ५ लाख बिनियोजना गरिएको छ ।

गोरखा नगरपालिका ४ स्थित नमुना टोल सुधार समितिको सामुदायिक भवन निर्माणका लागि ७ लाख, गोरखा नगरपालिका ३ को बिध्यासिनी माबिमा शहिद प्रकाश धिताल स्मृति मञ्च निर्माणका लागि ६ लाख, गाइखुर रजेदार टोल बिकास संस्थाको अधुरो भवन निर्माणका लागि ३ लाख, गोरखा अस्पतालमा रहेको शव गृहको साइडमा कम्पाउण्ड वाल निर्माणका लागि ६ लाख, नेपाल मगरसंघ जिल्ला समिति गोरखाको भौतिक पूर्वाधार निर्माणका लागि पनि ८ लाख बिनियोजन गरेको छ ।

स्याम्केस चेपाङ गाउँमा बाख्राको खोर तथा अन्य पूर्वाधार निर्माणका लागि ६ लाख, याङ्दीमा शिव पार्वती कृषि सामुदायिक भवन निर्माणका लागि ७ लाख, कालिका युवा क्लबको भवन निर्माणका लागि ७ लाख, दर्वुङमा रहेको अन्नूपूर्ण महिला समुहको भवन निर्माण ८ लाख, महाकाली एकिकृत युवा क्लबको भवन निर्माणका लागि ७ लाख, कृषि तथा बन बिज्ञान अनुसन्धान केन्द्र घ्यालचोकको भौतिक पूर्वाधार निर्माणका तथा तारबारका लागि ६ लाख, सिउरेनीटार कृषि सामुदायिक भवन निर्माणका लागि ८ लाख, दारसिङ महिला समुहको अधुरो भवन निर्माणका लािग ३ लाख बिनियोजन गरिएको छ ।

उता सिम्ले धुर्ली स्वाँरा महिला सामुदायिक भवन निर्माणका लागि ३ लाख, उपशक्ति युवा क्लबको भवन निर्माणका लागि ७ लाख, कोठथोक पर्यटन सामुदायिक भवन निर्माणका लागि ७ लाख, तल्लो ज्यामिस्वाँरा साुमदायिक भवन निर्माणका लागि ७ लाख, थापागाउँ कृषि सामुदायिक भवन निर्माणका लागि ७ लाख, छापथोक कृषि सामुदायिक भवन निर्माणका लागि ७ लाख र सहित अविनास स्मृत युवा क्लबको अधुरो भवन निर्माणका लागि ६ लाख बिनियोजन भएको गरिएको मन्त्री थापामगरले जानकारी दिए ।