सर्लाही, ८ असोज । सर्लाहीको इश्वरपुर नगरपालिका १२ को कालिन्जोर बोर्डिङ्ग स्कुलमा अध्यायनरत १४/१५ वर्षिय विद्यार्थी माथी एक शिक्षकले पटक पटक जवरजस्ती करणी उद्योग गरेको आरोप लागेको छ । 

झापा घर बताउने (भुटानी शरणार्थी) हिमाल शर्माले आफ्नी साथीलाई जवरजस्ती करणी उद्योग गरेको देखेपछि संगै पढ्ने विद्यार्थी (साथी)हरुले स्थानियलाई खबर गरेका थिए । त्यस पश्चाप स्कुलका प्रधानाध्यापक उज्जवल बरालले ती बालीकाको घरमा बुबाआमा नभएको समयमा स्थानियलाई बोलाएर सामान्य छलफल गरी एक पटकलाई भनी छाडि दिएका स्थानियले बताएका छन् ।

उनिसंगै पढ्ने ४/५ जना विद्यार्थी (साथी)हरुका अनुसार स्कुल बसमा पनि एउटै आइसक्रिम पालैपालो चुसेका र अन्यन्त्र पनि आपतीजनक अवस्थामा फेला परेका बताएका छन् । यता शिक्षक शर्माले पनि आफुसंगै बसेर आईसक्रिम खाएको स्विकार गरेका छन् । तर उनले आफुले कुनै पनि अनैतिक क्रियाकलाप नगरेको बताएका छन् ।

कक्षा ७ मा पढ्ने बालीका नाम परिवर्तन कबिता करीब १४÷१५ वर्षिय रहेकी छन् । उनिमाथी अनैतिक व्यावहार भएको आफुहरुलाई थाहा भएपछि आफुहरुले शिक्षक शर्मा र सो विद्यालयका प्राधानाध्यापक बराललाई पनि बोलाएर छलफल गरेको र प्रधानाध्यापक बरालले एक पटकलाई छाडिदिन आग्रह गरेपछि आफुहरुले छाडि दिएको एक स्थानियले बताएका छन् ।

साथै प्रधानाध्यापक बरालले ती शिक्षकलाई दशैँ सम्म राखेर निकाली दिने बताएपछि स्थानिय फर्किएका पाइएको छ । तर पत्रकारहरु शिक्षक हिमाल र ती बालकिा तथा उनका आफ्न्तलाई भेट्न जाँदा विद्यालयका प्रधानाध्यापक बरालले भेट्न नमिल्ने भन्दै भेट्न दिएनन् । ती बालीकाका कक्षाका साथीहरुका अनुसार शिक्षक शर्माले पटक पटक उनिमाथी जवरजस्ती करणी उद्योग गरेको बताएका छन् ।