- शनिवार, कार्तिक २२ गते २०८३
TRENDING
आँबुखैरेनी, २२ भदौ एमालेबाट निर्वाचित आँबुखैरेनी गाउँपालिका वडा नं. ६ का वडा सदस्य विजय गुरुङ (सञ्जय)लाई माओवादीका कार्यकर्ताले अपहरण गरेर नेकपा एकिकृत सामाजवादी पार्टीमा सनाखतका लागि जिल्ला निर्वाचन कार्यालय लगेको नेकपा एमाले तनहुँले जनाएको छ। एमाले तनहुँकी पार्टी सचिव भगवती न्यौपानेका अनुसार उनलाई गण्डकी प्रदेश सरकारका पूर्व आन्तरिक मामिला मन्त्री हरि चुमानका छोरा शुक्र चुमान र स्वकीय सचिव खुमबहादुर विकले अपहरणको शैलीमा निर्वाचन कार्यालय लगेको आरोप लगाएकी छिन्।
एमाले तनहुँले सांसद किसान श्रेष्ठकै निर्देशनमा उनीहरुले गुरुङलाई जबरजस्ती लगेको आरोप लगाएको छ।
यस्तै नेकपा एमाले आँबुखैरेनीका अध्यक्ष मीना अधिकारीले पनि नेकपा एकिकृत समाजवादीमा सनाखत गरेका वडासदस्य विजय गुरुङ (सञ्जय) लाई जबरजस्ती अपहरण गरी डरत्रास धम्की दिएर हस्ताक्षर गर्न लगाएको आरोप लगाउतै सामाजिक संजालमा प्रतिक्रिया लेखेका छन्।
एमालेबाट विजयी बनेका सांसद श्रेष्ठले आफू कांग्रेस र माओवादीको मतबाट विजयी बनेको सार्वजनिक रुपमा बताएपछि उनका विपक्षमा तनहुँका बहुसंख्यक जनप्रतिनिधी उभिएका हुन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
