कुरिनटार,२२ भदौ । नेपाली कांग्रेस इच्छाकामना ४ को वडा सभापतिमा राजेन्द्रदेव त्रिपाठी निर्वाचित भएको छ। मंगलबार सम्पन्न निर्वाचनमा बुद्धिप्रसाद सिलवाललाई २५ मतले पराजित गर्दै वडासभापतिमा त्रिपाठी निर्वाचित भएको हो ।

कुल ८२ मत मध्ये राजेन्द्रदेव श्रेष्ठले ५३ मत प्राप्त गरि विजयी हुनुभएको निर्वाचन अधिकृत देब बहादुर गुरुङले जानकारी दिनुभयो । उहाँका अनुसार बुद्धिप्रसाद सिलवालले २८ मत प्राप्त गर्नुभयो । १ मत भने बदर भएको निर्वाचन अधिकृत गुरुङले बताउनुभयो । 

यसैबिच सभापति बाहेक वडा कमिटिका पदाधिकारी, सदस्यहरु र क्षेत्रिय प्रतिनिधिहरु निर्विरोध चयन भएका छन् ।

कांग्रेसको अन्य ६ वटा वडामा सोमबार नै सबै पदमा निर्विरोध भएका छन्। वडा नम्बर ४ मा भने सभापतिमा सहमती नजुटेपछि मंगलबार निर्वाचन भएको हो । नेपाली कांग्रेस इच्छाकामनाको १४ औँ वडा अधिवेशन सोमबार देखि सुरु भएको थियो।

यसैबिच अधिवेशनले उपसभापतिमा  डुपेन्द्र गुरुङ र युवराज ढकाल, सचिवमा दोजराज सिलवाल र हेमन राई, सह–सचिवमा विनोद त्रिपाठी र निर्मल श्रेष्ठ, सदस्यहरुमा राजकुमार त्रिपाठी, नवराज बहादुर क्षेत्री, यादव थापा, कृष्ण बहादुर गुरुङ, रविन्द्र त्रिपाठी, धन बहादुर श्रेष्ठ र राजु विक सर्वसम्मत निर्वाचित भएका छन्।

क्षेत्रिय प्रतिनिधिहरुमा भने खुल्लातर्फ बासुदेव सिलवाल, मुक्तिनाथ सिलवाल (विदुर), होम बहादुर सिलवाल (जीवन), भीम बहादुर गुरुङ, शंकर सिलवाल र विष्णुप्रसाद त्रिपाठी, महिलातर्फ सावित्री गुरुङ, लक्ष्मी त्रिपाठी र भीम कुमारी थापा, खस आर्यतर्फ राजेश त्रिपाठी, जनजाती महिलातर्फ सुशिला श्रेष्ठ र मिनु राई जनजातीतर्फ नैन बहादुर गुरुङ, सन्त बहादुर आले र राम बहादुर गुरुङ, अल्पसंख्यकतर्फ सुरज छन्त्याल र दलिततर्फ पूर्ण बहादुर विश्वकर्मा सर्वसम्मत निर्वाचित भएका छन्।