धादिङको गजुरीमा संचालित चेपाङ भाषा वर्णमाला प्रर्वद्धन सम्बन्धि ३ दिने तालिमको आज समापन

इच्छाकामना न्युज

२०, भाद्र २०७८

धादिङको गजुरीमा संचालित चेपाङ भाषा वर्णमाला प्रर्वद्धन सम्बन्धि ३ दिने तालिमको आज समापन

धादिङ, २० भदौ । गजुरीमा चेपाङ भाषा वर्णमाला प्रर्वद्धन तालिम आइतबार समापन भएको छ । नेपाल चेपाङ संघको आयोजनामा हिमाली आदिवासी जनजाती समुदाय संस्थाको आर्थिक सहयोगमा शुक्रबारबाट सुरु भएको तीन दिने तालिम आज समापन गरिएको हो ।

३५ जना सहभागी रहेको उक्त चेपाङ भाषा वर्णमाला प्रर्वद्धन तालिममा बेनिघाट, धुषा र जोगिमाराका चेपाङ क्षात्रक्षात्रा तथा अभिभावकहरुको सहभागिता रहेको थियो ।

उक्त चेपाङ भाषा वर्णमाला प्रवद्र्धन तालिम धादिङ, चितवन, गोरखा र मकवानपुरका विभिन्न स्थानमा सञ्चालन भैसकेको चेपाङ अगुवा तिलक चेपाङले जानकारी दिनुभयो । हाल नेपालमा मातृभाषाको रुपमा ७० प्रतिशत चेपाङहरुले चेपाङ भाषा प्रयोग गर्ने तथ्याङ्क रहेको छ ।

नेपाल चेपाङ संघका केन्द्रिय महासचिव आइतसिङ चेपाङले हाल अल्पसंख्यक चेपाङ समुदायका ७० प्रतिशतले ले मात्रै आफ्नो भाषा बोल्न सक्ने बताउनुभयो । हालसम्म पनि चेपाङ समुदायको लिपि पत्ता नलागेकोले देवनागरीमा नै लेखन शैलि रहेकोमा भाषागत एकरुपता बनाउन नेपाल चेपाङ सङघले शब्दकोष समेत प्रकाशित गरिसकेको प्रशिक्षक उहाँले बताउनुभयो ।

हाल नेपालमा धर्म परिवर्तन तिब्र गतिमा बढिरहेकोले चेपाङ समुदायलाई आफ्नो धर्म (प्रकृति पुजक) आगामी जनगणना २०७८ मा लेख्न पनि नेपाल चेपाङ सङघले आग्रह गर्दै आएको उहाँको भनाइछ ।

तालिमको समापन कार्यक्रम नेपाल चेपाङ संघका सचिवालय सदस्य सन्त बहादुर चेपाङको प्रमुख आतिथ्यता, महासचिव आइतसिङ चेपाङ, तिलक चेपाङ क्षतामा सम्पन्न भएको हो ।