युवा पत्रकारिता पुरस्कारबाट तनहुँका दुई पत्रकार सम्मानित

इच्छाकामना न्युज

१५, भाद्र २०७८

युवा पत्रकारिता पुरस्कारबाट तनहुँका दुई पत्रकार सम्मानित

तनहुँ, १५ भाद्र ।
तनुहँँका दुइ पत्रकार ‘युवा पत्रकारिता पुरस्कार २०७८’ बाट सम्मानित भएका छन । तनहुँ समाज हङकङले पत्रकारद्वय नारायण खड्का र अमरराज नहर्कीलाई सम्मान गरेको हो । नगद रु ५ हजार, खादा र प्रमाणपत्रसहित पत्रकारद्वय सम्मानित भएका छन् ।
समाजको स्थापना दिवसको अवसरमा पत्रकार द्वयलाई सम्मान गरिएको हो ।
तनहुँ समाज हङकङका पुर्वअध्यक्ष भिमराज गुरुङको अध्यक्षतामा भएको कार्यक्रमा व्यास नगरपालिकाका प्रमुख वैकुण्ठ न्यौपानेको प्रमुख आतित्यथा रहेको थियो । सो अवसरमा प्रमुख न्यौपानेले सम्मानित दुबै पत्रकारलाई बधाई दिए ।

नेपाल पत्रकार महासंघका केन्द्रिय सदस्य प्रदिप काफ्ले, नेपाल पत्रकार महासंघ तनहुँका अध्यक्ष उज्ज्वल पौडेल, महासंघ तनहुँका पुर्वअध्यक्ष डम्बर अधिकारी, सम्मानित पत्रकार नारायण खड्का लगाएतले मन्तब्य राख्नु भएको थियो ।

पत्रकार खड्का नेपाल पत्रकार महासंघ तनहुँ शाखाका निवर्तमान उपाध्यक्ष, सगरमाथा टेलिभिजनको तनहुँ संवाददाता तथा भञ्ज्याङ दैनिकमा आवद्ध छन् भने पत्रकार नहर्की गोरखापत्रको तनहुँ संवाददाता हुन् ।

पत्रकारद्वय खड्का र नहर्कीले समाजद्वारा गरिएको सामाजिक सेवाको समाचार संप्रेषण गरी योगदान पु¥याएकाले पुरस्कारका लागि नेपाल पत्रकार महासंघ तनहुँबाट सिफारिस गरिएको थियो ।