- शनिवार, कार्तिक २२ गते २०८३
TRENDING
आँबुखैरेनी, ३१ साउन । जिल्ला प्रहरी कार्यालय तनहुँले काठ चोरी र वन सम्बन्धि दुई फरक मुद्दामा सजाय तोकिएका फरार अभियुक्तलाई २४ वर्षपछि पक्राउ गरेको छ। प्रहरीले सो मुद्दामा अदालतले सजाय फैसला गरेपछि फरार रहेका तनहुँ आँबुखैरेनी गाउँपालिका ४ आमडाँडाबेसी बस्ने ५८ वर्षीय नन्दबहादुर गुरुङलाई पक्राउ गरेको हो।
प्रहरीले दिएको जानकारी अनुसार निजविरुद्ध तनहुँ जिल्ला अदालतले विसं २०५४ पुस २४ गते र विसं २०७० भदौ १९ गते एक वर्ष एक महिना कैद र रु ४७ हजार छ सय पाँच जरीवानाको फैसला सुनाएको थियो । निज अभियुक्त गुरुङ वि.सं. २०५४ पुस २४ गतेदेखि फरार सूचीमा थिए। उनलाई प्रहरीले शुक्रबार पक्राउ गरेको हो।
पक्राउ परेका गुरुङलाई आवश्यक कारवाहीका लागि अदालत दाखिला गरिएको जिल्ला प्रहरी कार्यालय तनहुँका सूचना अधिकारी प्रहरी नायब उपरिक्षक युवराज तिमिल्सिनाले जानकारी दिए ।
यसैगरी प्रहरीले लागुऔषध मुद्दामा दुई वर्षदेखि फरार रहेका आँबुखैरेनी गाउँपालिका ४ अश्राङ बस्ने २९ वर्षीय राजु आले पनि पक्राउ गरेको छ। निजलाई जिल्ला अदालत तनहुँले विसं २०७६ जेठ २६ गते ९ महिना २५ दिन कैद र रु पाँच हजार जरीवानाको फैसला सुनाएको थियो । उनलाई पनि आवश्यक कारवाहीका लागि अदालत दाखिला गरिएको प्रहरीले जनाएको छ ।
सच्याईएकोः उल्लेखित समाचारमा अभियुक्त नन्द बहादुर गुरुङको ठेगाना आँबुखैरेनी गाउँपालिका ४ आमडाँडाबेसी हुनुपर्नेमा अन्यथा भएकोले सच्याईएको छ। सं.
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
