आँबुखैरेनी, २८ असार । 
दुबै मृगौला फेल भएका बुद्धि बहादुर थापा जिवन बचाउ अभियानमा आर्थिक संकलन कार्य भैरहेको छ । हाल सम्म यो अभियानमा १ लाख ८० हजार रुपैयाँ आर्थिक सहयोग संकलन भएको छ । 
दमौली निवासी मस्र्याङदी बालज्योती इङ्लिस बोर्डिङ्ग स्कूल आँबुखैरेनी-३, का शिक्षक दुबै मृगौला फेल भएका ४५ वर्षिय बुद्धि बहादुर थापा जिवन बचाउ अभियानमा विभिन्न व्याक्ति तथा समुह संघ संस्थाहरुले उक्त रकम सहयोग गरेको शिक्षक प्रकाश श्रेष्ठले जानकारी दिनुभयो । 
दुबै मृगौला फेल भई पोखराको फेवा सिटी, फिस्टेल र मेट्रो अस्पतालमा पालै पालो उपचार गराईरहनुभएका बुद्धि बहादुर थापाको जिवन बचाउको लागि पछिल्लो समयमा मस्र्याङदी बालज्योती इंग्लिस बोर्डिङ्ग स्कूल एसईई ०७२ ब्याचका विद्यार्थीहरुबाट नगद रु। १२ हजार ९ सय ५० रुपैंया सहयोग संकलन भएको छ । बोर्डिङ्गका बिद्यार्थी बिर्मष श्रेष्ठ, अमेस राना, निशान गुरुङ्ग, उषा थापा मगर, सुप्रिया श्रेष्ठको सहयोगमा शिक्षक बुद्धि बहादुर थापा सरको जिवन रक्षाको लागि उक्त रकम संकलन गरी बैंक खातामा जम्मा गरिएको छ । 
यसैगरी, हाल इटलीमा रहनुभएका नवीन पौडेलले बुद्धि बहादुर थापा जिवन बचाउ अभियानमा नगद रु। १६ हजार ८ सय ७८ रुपैंया सहयोग गर्नुभएको छ । 
यस्तै, आँबुखैरेनी गाउँपालिकाले बुद्धि बहादुर थापा जिवन बचाउ अभियानमा रु. १० हजार आर्थिक सहयोग गरेको छ । डाक्टरको सल्लाह अनुसार थापाको छिटै मृगौला प्रत्यारोपण गर्नुपर्ने र थप उपचारका लागि आर्थिक अवस्था ज्यादै कमजोर भएकोले जीवन रक्षा गरिदिन उहाँको परिवारजन, आफन्त, शुभचिन्तक, विद्यार्थी, शिक्षक लगाएतकाले सबैसंग सहयोगको लागि अपिल गरेका छन । 
मानव सेवामा समर्पित इच्छुक मनहरुले सहयोगको लागि एसबिआई बैंकमा बुद्धि बहादुर थापाको नाममा रहेको खाता नम्बर १९९१५२४१४०६१८५ मा आर्थिक सहयोग जम्मा गर्न सक्नुहुनेछ ।