सुजिता मृत्यु प्रकरणः राजमार्गमा टायर बालेर प्रर्दशन, केहीबेर प्रहरी र स्थानीयविच झडप

इच्छाकामना न्युज

२२, आषाढ २०७८

सुजिता मृत्यु प्रकरणः राजमार्गमा टायर बालेर प्रर्दशन, केहीबेर प्रहरी र स्थानीयविच झडप

चितवन, २२ असार ।
चितवनको राप्ती नगरपालिकाका स्थानीयवासीले पूर्वपश्चिम राजमार्गमा टायर बालेर प्रर्दशन गरिरहेका छन । राप्ती नगरपालिका– ३ निवासी २३ वर्षीया सुजिता भण्डारी मृत फेला परेपछि स्थानीयले निष्पक्ष छानविनको माग गर्दै टायर बालेर प्रर्दशन गरेका हुन । सो क्रममा केहीबेर प्रहरी र स्थानीयविच झडप भएको छ । प्रहरीले भीडलाई तितरवितर पार्न केही राउण्ड अश्रुग्यास प्रहार गरेको छ । अपरान्ह ४ बजेदेखि सडक अबरुद्ध भएको छ । यसअघि हिजो (सोमबार) पनि स्थानियले सडक अबरुद्ध गर्दै प्रर्दशन गरेका थिए । उनिहरुले पोष्टमार्टम रिपोर्टमा तलमाथि नगर्न चेतावनी दिएका छन ।
सोमबार बिहान १०ः१५ बजेदेखि अवरुद्ध सडक साँझ ६ः०० बजे मात्र खुलेको थियो ।

स्थानीयवासीले शव ल्याउँदै गरेको एम्बुलेन्ससहित रोकेर राखेका थिए । नगरपालिकाका प्रमुख प्रभा बरालसहितका जनप्रतिनिधि, दलका प्रतिनिधि, प्रमुख जिल्ला अधिकारी, सुरक्षा निकायका प्रमुखको उपस्थितिमा पीडित पक्षसँग सहमति गरी बाटो खुलाइएको थियो । शव परीक्षण गरी सत्यतथ्य पत्ता लगाइ अपराधीलाई कडाभन्दा कडा कारवाही गर्ने, पोष्टमार्टम गर्दा परिवारका दुई जना, एक जना परिवारले भनेका विज्ञसहित गर्ने र नेपाल सरकारसँग राहतका लागि अनुरोध गर्ने सहमति भएको थियो । शव पोष्टमाटमका लागि आज (मंगलबार) काठमाडौं पठाइएको छ ।

आइतबार साँझ स्थानीय ब्रम्हस्थानी सामुदायिक वनमा भण्डारीको शव फेला परेको थियो । उनी यही असार ११ गतेदेखि हराइरहेकी थिइन् । उनले सोही दिन १२ः०० बजे दिदीलाई फोन गरेर अपहरणमा परेको बताएको परिवारका सदस्यले बताउँदै आएका छन् ।