- शनिवार, आश्विन ३ गते २०८३
TRENDING
घैरुङ, ९ जेठ । गोरखाको शहिद लखन गाउँपालिकामा आज एकैदिन ५२ जना कोरोन संक्रमित थपिएका छन्। केहि दिन अघि कोरोना परिक्षणका लागि स्वाव संकलन गरि पठाईएका ९३ जनाको नमुनामा ५२ जनाको रिपोर्ट पोजेटिभ आएको हो।
पछिल्लो समय रिपोर्ट आएका मध्य सबैभन्दा बढि मनकामना आसपासका क्षेत्रका रहेका छन्। वडा नं. २ अन्तर्गत पर्ने मनकामना हेल्थपोष्टबाट संकलन गरिएको ३८ जनाको रिपोर्टमा २३ जनाको रिपोर्ट पोजेटिभ आएको गाउँपालिका स्वास्थ्य शाखा प्रमुख विरेन्द्र श्रेष्ठले जानकारी दिनुभयो। उहाँका अनुसार २३ जना मध्य १२ जना महिला र ११ जना पुरुषको कोरोना रिपोर्ट पोजेटिभ आएको छ भने १२ जनाको रिपोर्ट नेगेटिभ आएको छ । साथै ३ जनाको रिपोर्ट आउन बाँकी रहेको पनि उहाँले बताउनुभयो।
यस्तै गाउँपालिकाको वडा नं. ४ मा रहेको ताक्लुङ हेल्थपोष्टमा संकलन गरिएको २२ जनाको नमुना मध्यक्ष १० जनाको रिपोर्ट पोजेटिभ आएको छ भने १२ जनाको रिपोर्ट नेगेटिभ रहेको छ। उक्त वडामा पोजेटिभ देखिएको नमुनामा ३ महिला र ७ पुरुष रहेका छन्।
यसैगरी वडा नं. १ अन्तर्गत बक्राङबाट संकलन गरिएको ३३ जनाको नमुनामा १९ जनाको रिपोर्ट पोजेटिभ आएको छ। जसमध्य ७ जना महिला र १२ जना पुरुषको रिपार्ट पोजेटिभ आएको हो।
अहिलेसम्म शहिद लखन गाउँपालिकामा कोरोना संक्रमित हुनेको संख्या १ सय ९४ पुगेको छ। जसमध्य ९ जनाको मृत्यु भैसकेको छ भने ६६ जना निको भएर घर फर्किसकेका छन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
