पैसाको अभावमा बासपुरकी राममाया गुरुङको उपचार हुन सकेन, मनकारी दातासँग सहयोगको अपिल

इच्छाकामना न्युज

१४, बैशाख २०७८

पैसाको अभावमा बासपुरकी राममाया गुरुङको उपचार हुन सकेन, मनकारी दातासँग सहयोगको अपिल

चितवन, १४ बैशाख । चितवनको इच्छाकामना गाउँपालिका २ बाँसपुरका राम माया गुरुङको उपचारका लागि आर्थिक अभाव भएको छ । विगत एक बर्षदेखी हड्डीको टिबीका कारण थला पर्नुभएकी राम माया गुरुङको आर्थिक अभावका कारण उपचार हुन नसकेको हो।

हड्डीको टिबीका कारण शरिरको कम्मरदेखि तलको भाग चल्न छाडेको एक बर्ष भइसेको छ । थेरापी विधिबाट उपचार सम्भव हुने भएपनि आर्थिक अभावका कारण घर फिर्ता गरेपछि उहाँको अवस्था झन् जटिल बन्दै गएको उहाँका आफन्त तिर्सना गुरुङले जानकारी दिनुभयो ।

उहाँका अनुसार पुरानो मेडिकल कलेजमा हड्डीको अप्रेसनपछि डाक्टरको सल्लाह अनुसार थेरापी सेन्टर लगिएको थियो । दुई महिना थेरापी सेन्टरमा उपचार गराउँदा केही सुधार आए पनि आर्थिक जुटाउन नसकेपछि घर फिर्ता गरिएको हो । थेरापी सेन्टरबाट घर फिर्ता गरिएपछि उहाँको अवस्था झन् जटिल बन्दै छ । आर्थिक सहयोगका लागि उहाँले सबैसंग अपिल गर्नुभएको छ ।

आर्थिक अवस्था निकै कमजोर भएका कारण बिरामीका परिवारले उपचार गर्न सक्ने अवस्था नरहेको उहाँको भनाई छ ।
डाक्टरले उपचार सम्भव भएको बताएकाले आर्थिक जुटेमा तत्काल अस्पतला लैजाने बताउनुभयो ।

उपचारका लागि देश तथा विदेशबाट केही रकम जुट्न सुरु भएको र सहयोग गर्ने प्रतिवद्धता पनि आएकाले चाडैँ उपचारका लागि अस्पताल लैजाने उहाँले बताउनुभयो ।
श्रीमान् याम बहादुर गुरुङका अनुसार उपचारका क्रममा १० लाख भन्दा बढी खर्च भइसकेको छ ।उहाँको उपचारका लागि सहयोग गर्न चाहनेहरुले ९८६५०८०३५४ मा सम्पर्क गर्न सक्नुहुने छ ।