- शनिवार, आश्विन ३ गते २०८३
TRENDING
देवचन्द्र भट्ट, नुवाकोट, १४ बैशाख । गाउँमा पर्यटन पवद्र्धनका लागि नुवाकोटको पश्चिमी भेगमा रहेको म्यागङ गाउँपालिकामा आकर्षक पार्क निर्माण गरिएको छ । तामाङ समुदायको उल्लेख्य वसोवास रहेको म्यागङ वडा नं. ६ र ३ को सिमानामा “टुडी पार्क” निर्माणाको अन्तिम चरणमा पुगेको छ ।
गाउँपालिकाको मध्यभागमा रहेको स्थानमा पृथ्वीनारायण शाहले नेपाल एकिकरण गर्ने समयमा दरबार निर्माण गरि राज्य सञ्चालन गरेको भन्ने ऐतिहासिक महत्व पनि रहेको छ । साथै त्यस दरवारमा रहने महारानीले इनारको पानीले नुहाउने गरेको थियो भन्ने मान्यता पनि रहेको छ ।
सोही इनार वरिपरिको चौरमा पानी जम्ने गरेको थियो । म्यागङ गाउँपालिका स्थापना पश्चात पर्यटन प्रवद्र्धन गर्ने उदेस्य सहित इनारलाई केन्द्रविन्दुमा पारेर पार्क निर्माणको कार्य थालनी गरिएको हो ।
पार्कको डिपिआर ८ करोड रुपैयाँ बराबरको तयार पारिएको गाउँपालिकाका उपाध्यक्ष शान्ति लामाले जानकारी दिनुभयो । गत आर्थिक वर्षमा १ करोड ७२ लाख रुपैयाँ बराबरको संरचना निर्माण गरिएको थियो ।
चालु आर्थिक वर्षमा गाउँपालिकाले बाँकी संरचना निर्माणको लागि २० लाख रुपैयाँ विनियोजन गरेको र काम अघि बढिरहेको गाउँपालिकाका उपाध्यक्ष लामाले जानकारी दिनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
