- मंगलवार, भाद्र ९ गते २०८३
TRENDING
चितवन, १२ वैशाख । पाँच सय जना सक्रिय कोरोना भाइरस (कोभिड–१९) संक्रमित भएको ठाउँमा लकडाउन गर्ने गरी सरकारले तयारी थालेको छ ।
कोभिड–१९ संकट व्यवस्थापन केन्द्र (सीसीएमसी)ले कोरोना भाइरस (कोभिड–१९) संक्रमणको चेन ब्रेक गर्न लकडाउन गर्न सिफारिस गरेको छ । सीसीएमसीको बैठकले संक्रमणको अवस्था हेरेर लकडाउनबारे निर्णय गर्ने अधिकार जिल्ला कोभिड–१९ संकट व्यवस्थापन केन्द्र (डीसीसीएमसी)लाई दिन सिफारिस गरेको छ ।
पहाडमा २०० र शहरी क्षेत्रमा ५०० संक्रिय संक्रमित भएमा डीसीसीएमसीले निषेधाज्ञा गर्न सक्ने गरी सिफारिस गरिएको एक अधिकारीले जानकारी दिए ।
यस निर्णयसंगै चितवनमा पनि लकडाउन हुने संभावना बढ्दै गइरहेको छ । जिल्ला स्वास्थ्य कार्यालय चितवनका अनुसार आइतबार दिउँसोसम्ममा सक्रिय संक्रमितको संख्या ३२४ रहेको छ । जिल्लामा हालसम्म संक्रमितको संख्या ७ हजार २७५ पुगेको छ भने ११६ जनाको मृत्यु भएको छ ।
चितवनका प्रमुख जिल्ला अधिकारी प्रेमलाल लामिछानेले चितवनमा लकडाउन गर्ने या नगर्ने, कोभिडलाई नियन्त्रण गर्ने बारेमा भोलि (सोमबार) जिल्ला कोभिड–१९ संकट व्यवस्थापन केन्द्र (डीसीसीएमसी)को बैठक बस्न लागेको जानकारी दिए । उनले सो बैठकबाट कस्तो कदम चाल्ने भन्ने बारेमा ठोस निर्णय गरिने बताए ।
यस्तै स्वास्थ्य तथा जनसंख्या मन्त्रालयको आइतबारको तथ्यांकअनुसार काठमाडौं उपत्यकाका तीन वटै जिल्लाका साथै मोरङ, पर्सा, कास्की, दाङ, बाँके र रुपन्देहीमा संक्रिय संक्रमितको संख्या ५०० नाघेको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
