चन्द्रप्रकाश नेपाली, दाङ, १६ चैत । थारु समुदायका नागरिकमा सिकलसेल एनिमियाको समस्या उच्च देखिएको छ ।  शरिरमा रहेका राता रक्तकोषहरु गोलाकार हुनपर्नेमा बंशाणुगत खराबीका कारण हसिया आकारको हुँदा सिकलसेलको समस्या देखा पर्ने स्वास्थ्यकर्मीहरु बताउँछन् ।

सरकारले यस्ता विरामीलाई उपचारका लागी १ लाख रुपैया दिदैै आएको छ, तर त्यो पर्याप्त नभएको बिरामीहरुको गूनासो छ ।   तुलसीपुर उपमहानगरपालिका वडा नंम्वर ५ त्रिशिद्धि टोलका ६५ वर्षिय चटनी चौधरी सिकलसेलको समस्याबाट पिडित हुनुहुन्छ । सुरुमा त रोगको पहिचान गर्नै मुस्किल भयो । जब रोग पहिचान भयो, उपचारमा लाखौ खर्च भइसकेको छ । स

रकारले यो रोग लागेकाहरुलाइ दिदै आएको १ लाख रुपैंया पनि उहाँले प्राप्त गर्नुभएको छैन ।  २०७१ सालमा सिकलसेललाई गम्भिर जनस्वास्थ्य समस्याका रुपमा स्वीकार गरेर सरकारले विरामीलाई उपचारका लागी १ लाख रुपैया दिने घोषणा गरेको थियो । विरामीले औषधीका साथै सरकारको तर्फबाट कुनै पनि सहयोग नपाएको गुनासो गर्छन् ।

२०६८ सालको जनगणना अनुसार देशभर १७ लाखभन्दा धेरै थारु समुदायका नागरिक रहेका छन् भने दाङमा मात्रै १ लाख ६३ हजारभन्दा धेरै छन् ।  सिकलसेलको जाँच निशुल्क हुनुपर्ने र  विरामीले औषधी उपचारका साथै स्थानीय स्तरबाटै आर्थिक सहयोग पाउनु पर्ने थारु स्वास्थ्यकर्मी समाजका केन्द्रिय अध्यक्ष जिवराज चौधरीले बताउनुहुन्छ ।  

केही समय पहिले थारु स्वास्थ्यकर्मी समाजको समन्वयमा दाङका ५८ जनाको नमुना परिक्षण गरिएकोमा ३१ जनामा सिकलसेल एनिमिया देखिएको हो । दाङका थारु समुदायमा यो रोगको समस्या उच्च देखिएको छ । रोगको सम्पूर्ण उपचार निशूल्क रुपमा गरिदिनुपर्ने बिरामीहरुको माग छ ।