गोरखादेखि गोरखपुरसम्मको खिचडी यात्रा सुरु

इच्छाकामना न्युज

३०, पौष २०८२

गोरखादेखि गोरखपुरसम्मको खिचडी यात्रा सुरु

गोरखा, पुस ३० गते । गोरखाको गोरखा दरबारस्थित गुरु गोरखानाथ मन्दिरदेखि भारतको गोरखपुरसम्मको खिचडी यात्रा मङ्गलबारबाट सुरु भएको छ । धार्मिक तथा सांस्कृतिक महìव बोकेको गोरखाको गोरखनाथदेखि ५० जनाको टोलीले भारतको गोरखपुरमा रहेको गोरखनाथ मन्दिरसम्मको यात्रा सुरु गरेको हो ।

राष्ट्रिय गौ संरक्षण सङ्घ र गुरु गोरक्षनाथ फाउन्डेसनको आयोजनामा तथा गोरखा नगरपालिका र गोरखा दरबार हेरचाह अड्डाको समन्वयमा खिचडी यात्रा प्रारम्भ गरिएको हो । खिचडी यात्रामा बाजागाजा, मङ्गलधुन, स्वस्तिक वाचनसहित गोरखपुरसम्मको यात्रा सुरु गरिएको राष्ट्रिय गौ संरक्षण सङ्घ गोरखाका संयोजक होमसिंह बस्नेतले जानकारी दिनुभयो ।

गौ संरक्षण सङ्घ गोरखाका संयोजक बस्नेतले भन्नुभयो, “राष्ट्रिय एकताका प्रतीक राजा पृथ्वीनारायण शाहले नेपाल एकीकरणपछि खिचडी यात्राको सुरुवात गर्नुभएको थियो । देशमा राजाको बहिर्गमनपछि खिचडी यात्रा पनि रोकिएकाले २० वर्षपछि पुनः यात्रा सुरु गरिएको छ ।” अहिले फेरि सुरु गरिएको खिचडी यात्राले हराएको संस्कृतिलाई जोगाउन र गोरखाको पर्यटन प्रवर्धनमा नयाँ आयम थप्ने विश्वास लिएको उहाँको भनाइ छ । खिचडी गौ यात्रा भनेर चिनिने यो यात्रालाई यो वर्ष गोरखा नगरपालिकाले सहयोग गरेको छ । गोरखा नगरपालिकाले आफ्नो नीति तथा कार्यव्रmममा खिचडी यात्रालाई समावेश गरी निरन्तरता दिँदै आएको गोरखा नगरपालिकाका नगरप्रमुख कृष्णबहादुर रानाले बताउनुभयो ।