तनहुँ, २४ फागुन । १११ औं अन्तर्राष्ट्रिय नारी दिवसको अवसरमा जिल्लाको म्याग्दे गाउँपालीकाले एकल महिलालाई रातो टीका र रातो पछ्यौराले सम्मान गरेको छ । रातो टिकाले सम्मानित हुँदा अधिकांश एकल महिला भावविह्वल भए । रातो टीका र रातो पछ्यौरा ओढ्ने सुरुवात गाउँपालीकाका अध्यक्ष मायादेवी रानाले गरिन् ।

उनले अमाजु र जेठानी दिदी बाट जब रातो पछ्यौरा ओढिन मञ्चमै आँसुको धारा बगाइन् । समाजलाई पुरानो रूढिवादि परम्परा र संस्कार बाट माथि उकास्न जसले कार्यक्रम आयोजना गर्यो र सयौं एकल महिलालाई जुटाएर क्रान्तिको अवधारणा ल्यायो स्वयं अध्यक्षकै आँखाबाट आँसु बग्न थालेपछि सयौं उपस्थित महिलाहरूको पनि रूवावासि चल्यो । कार्यक्रम निकै भावनामा बग्दै गर्दा महिला मात्रै होइन पुरूष पनि भावुक बने ।

साच्चै म्याग्देले क्रान्तिको काम गर्यो यो अभियानले निकै खुसि तुल्याएको छ रातो पछ्यौरा ओढेपछि म्याग्दे ५ कि पदम माया थापाको प्रतिक्रिया थियो । म अहिले ४८ बर्षको भएँ , २६ बर्षको उमेरमा श्रीमानको मृत्युु भए पछि एकल महिलाको रूपमा घरमै एउटा छोरा र छोरि हुर्काइ , पढाइ सक्षम बनाउन सकेँ उनले भावुक हुँदै भनिन् । एकल महिला भनेपछि समाजका केही मानिसले अर्कै दृस्ठिकोणले हेर्ने , स्वतन्त्र रूपमा जीवन चलाउँदा पनि नकारात्मक कुरा गर्ने अनेक टिकाटिप्पढि गर्ने गरेको पाएको हुँदा छोराछोरिको सल्लाह अनुसार रातो टीका र पछ्यौरा ओंढ्न आएकि हुँ थापाले आँशु झार्दै भनिन् ।

यस्तै म्याग्दे ३ कि २१ बर्षिय अन्जु थापाले पनि १ बर्ष अगाडि आफ्नो श्रीमानको बैदेशिक रोजगारिको सिलसिलामा मृत्युु भए पछि रातो नलगाई बसेकामा अब सधैं यसरी हुँदैन भन्ने मनमा आएकोले आजबाट रातो पछ्यौरा र टीका लगाएको बताइन् । थापाको जस्तै भनाइ सम्मानित सबै महिलाको थियो, उनिहरूले गाउँपालिकाको यस प्रयास र अभियानलाई निकै सर्हाए । कार्यक्रम स्थलमा पछ्यौरा ओढ्नेको घुइँचो लाग्यो ।

अध्यक्ष मायादेवी राना , उपाध्यक्ष बालकृष्ण घिमिरे , प्रमुख प्रशासकिय अधिकृत नारायण प्रसाद अधिकारी तथा कार्यक्रमको अध्यक्षता गरिरहेकि बद्रीका घिमिरे लगायतलाई भ्याइनभ्याई भयो । करिव २ सय २७ जना एकल महिलाले रातो पछ्यौरा र रातो टीका लगाऐको गाउँपालीका अध्यक्ष मायादेवी रानाले बताइन् । यस्तै सोहि कार्यक्रममा गाउँपालीका भित्रका अस्पतालमा सुत्केरी हुने महिलालाई सुत्केरी प्रोत्साहन रकम बापत रू ३ हजारका दरले बितरण गरिएको स्वास्थ्य शाखा प्रमुख तिलक घिमिरेले बताए ।

नारी दिवसको अवसर पारेर आयोजना गरिएको मावि स्तरीय छात्रा फुटबल प्रतियोगिताका बिजेता उपविजेता टिमलाई सोहि अवसरमा पुरस्कार बितरण गरिएको उपाध्यक्ष बालकृष्ण घिमिरेले बताए । कार्यक्रममा राधा मावि जामुनेका विद्यार्थीहरूले कौरा नृत्य समेत प्रस्तुत गरेका थिए ।

कार्यक्रममा धनमाया आले , मनिता थापा , दिलबहादुर नेपाली , रामबहादुर अधिकारी , कुमारी राना , रत्ना घिमिरे , लगायतका बक्ताहरूले नारि हकहितका बारेमा बोलेका थिए । बद्रीका घिमिरेको अध्यक्षतामा भएको कार्यक्रमको स्वागत रामकुमारी केसीले र सञ्चालन राधा घिमिरेले गरेकि थिईन् ।