आँबुगाउँमा बोलेरो जीप दुर्घटना हुदाँ इच्छाकामनाका पुष्पराज गुरुङको मृत्यु, ५ जना घाईते

इच्छाकामना न्युज

३, मंसिर २०८२

आँबुगाउँमा बोलेरो जीप दुर्घटना हुदाँ इच्छाकामनाका पुष्पराज गुरुङको मृत्यु, ५ जना घाईते

आँबुखैरेनी । तनहुँको आँबुखैरेनी गाउँपालिका–३ आँबुगाउँस्थित भित्री सडकखण्डमा आज साँझ भएको बोलेरो जीप दुर्घटनाका घाइतेमध्ये एक जनाको मृत्यु भएको छ । मृत्यु हुनेमा चितवनको इच्छाकामना गाउँपालिका–५ बस्ने ३१ वर्षीय पुष्पराज गुरुङ रहेको जिल्ला प्रहरी कार्यालय तनहुँले जनाएको छ ।

घाइते श्रेष्ठलाई आँबुखैरेनी अस्पतालका चिकित्सकले ८ः४५ बजेको समयमा मृत घोषणा गरेको प्रहरी नायब उपरिक्षक श्रवणकुमार विकले जानकारी दिए ।

दुर्घटनामा घाइते पाँच जनाको सोही अस्पतालमा उपचार भइरहेको छ । छिम्केश्वरीबाट आँबुखैरेनीतर्फ आउँदै गरेको से १ च ६५१ नम्बरको बोलेरो जीप चालकले नियन्त्रण गुमाइ सडकमा पल्टिदा दुर्घटना भएको थियो । जीपमा ११ जना सवार थिए ।

दुर्घटनामा परि इच्छाकामनाका पुष्पराज गुरुङको मृत्यु भएको छ भने घाइते हुनेमा चितवनको इच्छाकामना गाउँपालिका–२ बस्ने २० वर्षीया देउमाया गुरुङ, इच्छाकामना ५ को २६ वर्षीय जितबहादुर गुरुङ, १६ वर्षीया भावना गुरुङ, २५ वर्षीय अजित गुरुङ, कालिका नगरपालिका–८ बस्ने ३४ वर्षीया सरस्वती गुरुङ रहेका छन् ।

उल्लेखित समाचारमा मृत्यु हुनेमा पुष्पराज गुरुङ हुनुपर्नेमा अन्यथा भएकोले सच्याईएको छ । सम्पादक