- शनिवार, आश्विन ३ गते २०८३
TRENDING
काठमाडौँ । उज्बेकिस्तानमा जारी एएफसी महिला एसियन कप छनोटको समूह एफको दोस्रो खेलमा नेपालले आज श्रीलंकासँग प्रतिस्पर्धा गर्दैछ ।
तास्केन्तस्थित बुनयोदकोर स्टेडियममा आज साँझ सवा ६ बजे खेल सुरुहुने छ ।
नेपालले आफ्नो पहिलो खेलमा लाओसमाथि ९–० को शानदार जित हासिल गरेको थियो । उक्त खेल नेपालको १००औं अन्तर्राष्ट्रिय खेल थियो, जहाँ नयाँ कप्तान सावित्रा भण्डारी साम्बाले चार गोल गरेकी थिइन् । सोही खेलबाट मुख्य प्रशिक्षक प्याट्रिक डि वाइल्डले पनि सिनियर राष्ट्रिय टोलीमा डेब्यू पनि गरेका थिए ।
पहिलो खेलमा नेपालले नियमित गोलकिपर एन्जिला तुम्बापो सुब्बालाई बेन्चमा राख्दै अन्जना राना मगरलाई अवसर दिएको थियो भने सरस्वती हमालले पहिलो रोजाइमा डेब्यू गरेकी थिइन् । प्रीति राई, रेखा पौडेल र पूजा राना जस्ता खेलाडीहरू दोस्रो हाफमा मात्र मैदान प्रवेश गरेका थिए ।
नेपालले श्रीलंकाविरुद्ध हालसम्म खेलेका आठवटै खेलमा जित हासिल गरेको छ । फिफा वरीयतामा नेपाल १००औं र श्रीलंका १५९औं स्थानमा छन् ।
समूह एफमा नेपाल, उज्बेकिस्तान, लाओस र श्रीलंका छन् । उज्बेकिस्तानले पहिलो खेलमा श्रीलंकालाई १०–० ले हराएको थियो । फिफा वरीयतामा ५१औं स्थानमा रहेको उज्बेकिस्तान समूहको सबैभन्दा बलियो टोली मानिन्छ । नेपालले हालसम्म उज्बेकिस्तानलाई पराजित गर्न सकेको छैन ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
