भिमसेन थापा गाउँपालिकाको प्रमुख प्रशासकीय भवनको उद्घाटन तथा पूर्ण खोप सुनिश्चितता घोषणा

इच्छाकामना न्युज

१३, जेठ २०८२

भिमसेन थापा गाउँपालिकाको प्रमुख प्रशासकीय भवनको उद्घाटन तथा पूर्ण खोप सुनिश्चितता घोषणा

गोेरखा, १३ जेठ । भिमसेनथापा गाउँपालिकाको प्रमुख प्रशासकीय भवनको समुद्घाटन तथा पूर्ण खोप सुनिश्चितता घोषणा कार्यक्रम सम्पन्न भएको छ ।

प्रमुख अतिथि पूर्व प्रधानमन्त्री एंव नेकपा माओवादी केन्द्रका अध्यक्ष पुष्पकमल दाहाल‘प्रचण्ड’ले एक कार्यक्रमकाबिच प्रशासकिय भवनको उद्घाटन गर्नुभएको हो । विशिष्ट अतिथि गण्डकी प्रदेश मुख्यमन्त्री सुरेन्द्रराज पाण्डे र विशेष अतिथि गण्डकी प्रदेश सभाका सभामुख कृष्ण धिताल रहनुभएको थियो ।

कार्यक्रममा प्रतिनिधि सभा सदस्य राजेन्द्र बजगाईं, प्रदेश सभा सदस्य सुशिला सिम्खडा लागायतको आतिथ्यता रहनुभएको थियो । गाउँपालिका उपाध्यक्ष अमृता देबी भट्ट (वस्ती) ले भवनको संक्षिप्त जानकारी सहित स्वागत मन्तब्य राख्नु भएको थियो भने कार्यक्रम प्रमुख प्रशासकीय अधिकृत श्री चित्र बहादुर अधिकारीले सञ्चालन गर्नुभएको थियो ।

साँस्कृतिक झाँकीहरुको प्रस्तुतिकरण, विपद् व्यवस्थापन सम्बन्धी डेमो प्रदर्शन, स्काउटको पि।टि प्रदर्शन, विज्ञान प्रदर्शनी, सम्मान पत्र, कदर पत्र एवं प्रमाणपत्र वितरण लागायतका कार्यक्रमहरु सहित उद्घाटन कार्यक्रम सम्पन्न भएको हो ।

गाउँपालिका अध्यक्ष लोक प्रसाद बंजाराको अध्यक्षता तथा मा सुसम्पन्न भएको छ। साथै आज नै गाउँपालिकालाई पूर्ण खोप सुनिश्चितता घोषणा गरिएको छ ।