- शनिवार, आश्विन ३ गते २०८३
TRENDING
काठमाडौँ । म्यानमारसँगै नेपालले बिहीबार फोर नेसन्स कपको फाइनल यात्रा तय गरेको छ । दशरथ रंगशालामा भएको खेलमा नेपालले लेवनानलाई १–० ले हराएपछि फाइनल समीकरण तय भएको हो । लगातार दोस्रो जितपछि दुवै टिमको समान ६ अंक भएको छ । अब म्यानमार र नेपालबीच नै प्रतियोगिताको अन्तिम लिग खेल आइतबार हुनेछ ।
त्यसको नतिजाले समूह जित्ने टिमको निर्णय गर्नेछ । त्यस अगाडि लेवनान तथा किर्गिस्तान भिड्ने छन् र यो प्रतिष्ठाको खेल मात्रै हुनेछ । दुवै टिम लगातार दुई खेल गुमाएर शून्य अंकमा छन् । म्यानमारले दिनको पहिलो खेलमा किर्गिस्तानलाई ५–० ले पराजित गरेको थियो ।
नेपालको जितमा सावित्रा भण्डारीको भाग्यमानी गोल निर्णायक रह्यो । खेलको ४२ औं मिनेटमा सावित्राले पेनाल्टी एरिया बाहिरबाट गरेको प्रहार लेवनानी खेलाडी फराह एल टयरको शरीरमा ‘डिफ्लेक्ट’ हुँदै गोलमा परिणत भएको थियो । खेल आफैमा रोमाञ्चक रह्यो र लेवनानले नेपालसामु बलियो चुनौती पेस गरेको थियो ।
दोस्रो हाफको इन्ज्युरी समयमा लेवनानकी जावा अरबीको प्रहार पोस्टमा लागेर फर्केको थियो र यसले गोलको रूप लिएको भए खेल र प्रतियोगिताकै समीकरण फरक हुन सक्थ्यो । लेवनानमाथि नेपालको यो दोस्रो जित हो । यसअघि नेपालले सन् २०२४ को वाफ च्याम्पियनसिपमा लेवनानलाई सेमिफाइनलमा हराएको थियो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
