आँबुखैरेनी वितरक संघको आयोजनामा मैत्रिपूर्ण फुटबल तथा वनभोज कार्यक्रम सम्पन्न

इच्छाकामना न्युज

१८, माघ २०८१

आँबुखैरेनी वितरक संघको आयोजनामा मैत्रिपूर्ण फुटबल तथा वनभोज कार्यक्रम सम्पन्न

आँबुखैरेनी, १८ माघ । आँबुखैरेनी वितरक संघको आयोजनामा १२ औं संस्करणको मैत्रिपूर्ण फुटबल तथा वनभोज कार्यक्रम –२०८१ बिहीबार सम्पन्न भएको छ ।

संघका अध्यक्ष राजन कट्टेलको सभापतित्व तथा नेपाल बितरक महासंघका केन्द्रिय अध्यक्ष हरिराज पन्तको प्रमुख आतिथ्यतामा सो मैत्रिपूर्ण फुटबल तथा वनभोज कार्यक्रम सम्पन्न भएको हो ।

गोरखकाली रबर उद्योगको खेल मैदानमा अधिकृत विक्रेता र कम्पनी प्रतिनिधि बीच भएको मैत्रिपूर्ण फुटबलमा कम्पनी प्रतिनीधी बिजेता बनेको छ । मैत्रिपूर्ण फुटबल खेलमा कम्पनी प्रतिनीधीले अधिकृत बिक्रेतालाई ४–१ गोल अन्तरले पराजित गदै ट्रफी र मेडल हात पारेको छ ।

खेलमा कम्पनीका खेलाडी सन्देश कुँवर सर्वाधिक गोलकर्ता, अधिकृत बिक्रेताका रुपेश तामाङ्ग उत्कष्ट खेलाडी र कम्पनीका किपर विकाश गुरुङ्ग उत्कृष्ट गोल रक्षक घोषित भएका छन् ।

मैत्रिपूर्ण फुटबल तथा वनभोज कार्यक्रममा नेपाल बितरक महासंघका केन्द्रिय अध्यक्ष हरिराज पन्त, आँबुखैरेनी वितरक संघका अध्यक्ष राजन कट्टेल, नेपाल बितरक महासंघका संस्थापक अध्यक्ष गोविन्द कर्माचार्य, महासंघका कोषाध्यक्ष तेजिन्द्र पौडेल, महासंघका केन्द्रिय सदस्यहरु शिव खनाल, दिलिप श्रेष्ठ, रबि सापकोटा, गण्डकी प्रदेश महासचिव सुरेन्द्र कुमार श्रेष्ठ, सदस्य निरज श्रेष्ठ, आँबुखैरेनी बितरक संघका सल्लाहकार हरिभक्त श्रेष्ठ, मझुवा देउरालीका प्रहरी प्रमुख गौतम खत्री लगाएतको उपस्थिती रहेको थियो ।