- शनिवार, कार्तिक २२ गते २०८३
TRENDING
काठमाण्डौ । वीर अस्पतालको घोटौँ तल्ला माथिबाट हामफालेर सोमबार बिहान आत्महत्या गरेका पुरुषको सनाखत भएको छैन ।
अस्पतालका निर्देशक सन्तोष पौडेलले अहिलेसम्म शव दाबी गर्न कोही पनि आफन्त नआएको बताए । शवलाई पोस्टमार्टमका लागि पठाइएको छ । घटना सोमबार बिहान अन्दाजी २–३ बजेतिरको हो । अस्पताल सुनसान भएको अवस्थामा ती पुरुष बाहिरबाट आएर सरासर भवनको छैटौँ तल्लामा उक्लिएका थिए । माथिबाट हामफाले पछि गार्डले थाहा पाएका हुन् । उनको टाउको फुटेको छ ।
अस्पताल स्रोतका अनुसार हुलिया हेर्दा मृतक अति विपन्न व्यक्ति जस्तो देखिन्छन् । उनको उमेर अनुमानित ३५-४० वर्ष छ । उनले फाटेको लुगा लगाएका थिए । उनको साथमा मोबाइल, परिचयपत्र केही पनि भेटिएको छैन । केवल पाँच रुपैयाँको नोट र एउटा सलाईको बट्टा भेटिएको छ । उनी मानसिक अवस्था ठीक नभएको र आत्महत्याकै उद्देश्यले बाहिरबाट आएको अनुमान छ । अस्पतालमा उनको कोही पनि बिरामी रहेको पाइएको छैन । उनी अस्पतालभित्र लुकिलुकी छिरेको दृश्य सीसीटीभी फुटेजमा कैद भएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
