- शुक्रवार, कार्तिक १४ गते २०८३
TRENDING
आँबुखैरेनी । तनहुँको आँबुखैरेनी गाउँपालिका वडा नं. ४ स्थित बेनिटारबाट अवैध लागुऔषध सहित २ महिला र १ युवालाई प्रहरीले पक्राउ गरेको छ । अस्थायी प्रहरी पोष्ट मुग्लिन पुलजिपबाट खटिएको प्रहरी टोलीले आज बिहान करिब साढे ७ बजेको समयमा चितवनबाट पोखरा जादै गरेको ग १ ख ९१७ नं.को यात्रुबाहक बसलाई रोकी चेकजाँच गर्ने क्रममा लुकाईछिपाई अवैध लागुऔषध र गाँजा सहित उनीहरुलाई पक्राउ गरेको हो ।
पक्राउ पर्नेहरूमा रौतहट ईशनाथ नगरपालिका ३ बस्ने २० वर्षीय अरुण पटेल, चितवन ईच्छाकामना गाउँपालिका ६ पाचकिलो बस्ने ५० वर्षीया पुनम गुरुङ र तनहुँ आबुखैरेनी गाउँपालिका ४ आमडाँडाबेसी बस्ने ४२ वर्षीया माया गुरुङ रहेका छन् ।
जिल्ला प्रहरी कार्यालय तनहुँले दिएको जानकारी अनुसार पक्राउ पर्ने मध्य पटेलको साथबाट प्रहरीले लागूऔषध डाईजेपाम १ सय ९८ एम्पुल, नोरफिन १ सय ९८ एम्पुल र फेनारागन १ सय ९८ एम्पुल गरी ५९४ एम्पुल अवैध लागुऔषध बरामद गरेको छ भने पुनम गुरुङ र माया गुरुङको साथबाट प्रहरीले बसको डिक्किमा राखेको अवस्थामा २४ किलोग्राम गाँजा बरामद गरेको छ ।
पक्राउ परेकाहरुलाई प्रहरी हिरासतमा राखी थप अनुसन्धान भैरहेको जिल्ला प्रहरी कार्यालय तनहुँका प्रहरी निरिक्षक राजकुमार वि.क.ले जानकारी दिएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
