काउले । चितवनको इच्छाकामना गाउँपालिकाकोे ग्रामिण भेगहरुमा अझै बालविवाह हुने क्रम रोकिएको छैन । बालविवाह न्यूनिकरणका लागि  बेलाबेलमा विभिन्न कार्यक्रमहरु हुने गरेका छन् । तर अझै बालविवाह पूर्णरुपमा रुपमा रोक्न सकेका छैनन् ।

यसैबिच जनप्रिया माध्यमिक विद्यालय इच्छाकामना २ कल्याणटारमा बाल अधिकार समुहले नाट प्रदर्शन गरेका छन् । बालविवाह न्यूनिकरणका लागि सामाजका यथार्थ घटनालाई नाटकमा प्रश्तुत गर्दै बालविवाहविरुद्ध अनौपचारीक क्षेत्र सेवा केन्द्र (इन्सेक) द्वारा गठित बालअधिकार समुहले शुक्रबार  सचेतनामुलक नाटक प्रदर्शन गरेका हुन् ।

जनप्रिया माविका प्रधानाध्यापक नेत्रप्रसाद अधिकारीले यस नाटक प्रदर्शनका लागि सहयोग गरिदिएकोमा इन्सेकलाई धन्यावाद दिनुभयो । उहाँले इन्सेकले बालअधिकार महिला अधिकार लगायत विविध पक्षमा काम गर्दै आएको जानकार रहेको बताउनुभयो ।
बालविवाह रोक्न र विद्यालयमा टिकाई राख्न धेरै प्रयात्न गरेपनि नसकेकोमा यस्ता सचेतनामुलक नाटक कार्यक्रमहरुका कारण विवाह गरेर गएकाहरुलाई पनि विद्यालयमा पुन फर्काउन सकिएको बताउनुभयो ।

उहाँले भन्नुभयो,‘हाम्रो बिद्यालयका केही विद्यार्थीहरु विवाह गरेर गए, हामीले रोक्नमा धैरै कोसिस ग¥यौँ तर सकेन ,अहिले फर्काउन सफल भएका छौँ ।’ यस्ता नाटकहरुले सम्पूर्णमा प्रभाव पार्ने प्रअ अधिकारीको भनाई छ ।

वडाध्यक्ष पञ्च बहादुर चेपाङले विद्यार्थी माझ यस्ता कार्यक्रम आयोजना गरेकोमा इन्सेकलाई धन्यावाद दिनुभयो । उहाँले आगामी दिनहरुमा पनि इन्सेकसंग सहकार्य गर्ने बताउनुभयो ।

नाटक प्रदर्शन कार्यक्रममा वडाध्यक्ष सहित जनप्रतिनिधि, संघसंस्थाका प्रतिनिधि,शिक्षक विद्यार्थी अभिभाव र स्थानियहरुको उपस्थिति रहेको इन्सेक चितवनका सहजकर्ता गायत्री गिरिले जानकारी दिनुभयो ।