- शुक्रवार, कार्तिक १४ गते २०८३
TRENDING
कुरिनटार । चितवनको इच्छाकामना गाउँपालिकाले सिमान्तकृत चेपाङ समुदायको घरमा निःशुल्क नयाँ विद्युत मिटर जडान गरिदिएको छ । गाउँपालिकाले चालु आर्थिक वर्षको निति कार्यक्रममा उल्लेख गरे बमोजिम चेपाङ समुदायको घरमा निःशुल्क नयाँ विद्युत मिटर जडान गरिदिएको हो ।
गाउँपालिकाले अहिलेसम्म वडा नं. ६ का चेपाङ समुदायका २१ घरमा निःशुल्क नयाँ विद्युत् मिटर जडान गरिदिएको गाउँपालिकाका प्रमुख प्रशासकिय अधिकृत जगत प्रसाद भुषालले जानकारी दिए । उनका अनुसार वडा नं. ७ को २३ र वडा नं. ४ का १० घरमा पनि निःशुल्क नयाँ विद्युत मिटर जडान गर्ने अन्तिम तयारी भइरहेको छ । साथै चालु आर्थिक वर्षमा सो कार्यक्रमका लागि २ लाख रुपैयाँ बजेट विनियोजन गरेकोले आवश्यकता अनुसार थप घरमा समेत निःशुल्क विद्युत् मिटर जडान गरिने उनले बताए।
गाउँपालिकाले वडा नं. ४ र ६ मा इच्छाकामनामा ग्रामिण विद्युतीकरण कार्यक्रम संचालन गरिरहेको मुग्लिन स्थित मस्र्याङ्गदी बहुउद्देश्यीय सहकारी संस्था मार्फत निःशुल्क मिटर जडान गरिरहेको छ भने वडा नं. ७ मा नेपाल विद्युत् प्राधिकरण मार्फत मिटर जडान गरिरहेको छ ।
गाउँपालिकाले सिमान्तकृत चेपाङ समुदायलाई लक्षित गरि यो कार्यक्रम ल्याइए पनि विपन्न वर्गका अन्य समुदायको घर परिवारमा समेत निःशुल्क विद्युत् मिटर जडान गरिने गाउँपालिका अध्यक्ष दान बहादुर गुरुङले बताए । साथै आगामी वर्षहरुमा पनि कार्यक्रमलाई निरन्तरता दिदै उनीहरुको न्युनतम विद्युत् महशुल समेत गाउँपालिकाले तिर्ने योजना ल्याउने तयारी भैरहेको उनले बताए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
