कुरिनटार । चितवनको इच्छाकामना गाउँपालिकामा प्रधानमन्त्री रोजगार कार्यक्रम सम्बन्धी अभिमुखीकरण कार्यक्रम सम्पन्न भएको छ ।श्रमको सम्मान राष्ट्रको अभियान भन्ने मुल नाराका साथ बुधबार इच्छाकामना गाउँपालिका रोजगार सेवा केन्द्र कुरिनटार चितवनको आयोजनामा गाउँपालिका कार्यालय कुरिनटारमा अभिमुखीकरण कार्यक्रम सम्पन्न भएको हो ।

कार्यक्रममा प्रधानमन्त्री रोजगार कार्यक्रमको आवश्यकता र इच्छाकामनामा भइरहेको गतिविधिबारे जानकारी गराएका थिए ।
गाउँपालिकाका प्रमुख प्रशासकिय अधिकृत जगतप्रसाद भुषालले प्रधानमन्त्री रोजगार कार्यक्रमको आवश्यकता र महत्व बारे अभिमुखीकरण दिनुभएको थिायो । यसै गरि प्रधानमन्त्री रोजगार कार्यक्रम इच्छाकामनाका संयोजक आकाश शेरचनले प्रधानमन्त्री रोजगार कार्यक्रमको परिचय, उदेश्य, लक्ष्य, बेरोजगार व्यक्तिको प्राथमिकता क्रम निर्धारण, अयोजना छनौट, तथा कार्यन्वयन सम्भावना सुचि दर्ता र बैदेशिक रोजगारबाट फर्केका व्यक्तिको लागि पुन  : एकिकरण कार्यक्रम श्रम स्वीकृति सम्बन्धी तथा प्राविधिक रोजगार सहायक प्रदिप राई र धनराज गुरुङले योजनाको लागत र मुल्याङ्कनसहित प्राविधिक कार्यहरुको बारेमा अभिमुखीकरण दिनुभएको थियो ।

इच्छाकामनामा यस आर्थिक बर्ष २०७९/८०मा ८ वटा योजनाहरु सञ्चालन भएका छन् । सो मध्ये केही सम्पन्न र केहीको काम भइरहेको संयोजक शेरचनले बताउनुभयो । ४३ लाख ८६ हजार रकमको काम भइरहेको उहाँले बताउनुभयो । यस कार्यक्रमबाट ७१ जनाले रोजगार पाएका छन् । कार्यक्रममा गाउँपालिका उपाध्यक्ष माया सिलवाल, वडा नम्बर ४ का वडाध्यक्ष रुद्रप्रसाद उप्रेती, वडा नम्बर २ का अध्यक्ष पञ्च बहादुर चेपाङ र वडा नम्बर १ का वडाध्यक्ष सन्त बहादुर रानामगरले पनि मन्तव्य राख्नुभएको थियो । कार्यक्रम दीपा चेपाङले सञ्चालन गर्नुभएको थियो ।
अभिमुखीकरण कार्यक्रममा जनप्रतिनिधि र कर्मचारीहरुको सहभागी थिए ।