मुग्लिन,२ माघ । प्रथम इच्छाकामना डबल ब्याडमिन्टन कप २०७७ सम्पन्न भएको छ। माघे संक्रान्तिको अबसर पारेर इच्छाकामना ५ मुग्लिन बजारमा गत पौष २९ गते बाट सुरु भएको प्रतियोगिता आज सम्पन्न भएको हो । वडा नम्बर ५ कार्यालय आगन र मस्र्याङ्दी बोर्डिङ स्कुलको खेलमैदानमा सम्पन्न प्रतियोगितामा पुरुष तर्फ प्रथम स्थान मुग्लिनका गणेश श्रेष्ठ र संयोग श्रेष्ठको टोलिले हात पार्यो भने मुग्लिनकै तब्बीर गुरुङ र शिव सिलवालको टिम दोश्रो भएका छन् । पुरुष तर्फको सान्त्वना पुरस्कार भने विकाश श्रेष्ठ र विकास रानाको टिमल र दल बहादुर श्रेष्ठ र यम बहादुर रानाको टिम र सम्पुर्ण श्रेष्ठ र सुरज गुरुङको टिम सहित ३ वटा टिमले हात पार्न सफल भएको छ। महिला तर्फको प्रथम पुरस्कार इलाका प्रहरी कार्यलय मुग्लिनको टिमले जितेको छ। दोश्रो स्थानमा हुने सेवानिष्ठ महिला समाज केबलकारको अमृता थापा मगर र संगिता राना मगरको टिमलाइ हराउदै प्रहरीको सरस्वती लामिछाने र शान्ति आले मगरको टिम विजेता बनेका हुन् । त्यस्तै महिलातर्फको सान्त्वना पुरस्कार भने कुरिनटारका मेलिना गुरुङ र अनिशा रानाको टिम र केबलकारको सिमा थापा र पुजा थापाको टिमले हात पारेका छन। इच्छाकामना गाउँपालिका उपाध्यक्ष कृतिकुमार श्रेष्ठको प्रमुख आतिथ्यतामा सम्पन्न फाइनल खेल र पुरस्कार बितरण कार्यक्रममा वडा ५ को वडा अध्यक्ष मोदराज सिलवाल इच्छाकामना गाउँपालिकाको प्रवक्ता सावित्री गुरुङ लगायतको सहभागिता रहेको थियो। पुरुष तर्फ प्रथम हुने टिमले खसी, ट्रफी,मेडल र प्रमाणपत्र प्राप्त गरेका छन भने दोश्रो हुने टिमले बोका, ट्रफी, मेडल र प्रमाणपत्र प्राप्त गरेका छ्न । त्यस्तै सान्त्वना स्थान हासिल गर्न सफल ३ वटै टोलिले मेडल र प्रमाणपत्र प्राप्त गरेका छन। महिला तर्फ प्रथम र दोश्रो हुने टोलिले ट्रफी, मेडल र प्रमाणपत्र र सान्त्वना हुने दुई टिमले मेडल र प्रमाणपत्र प्राप्त गरेको प्रतियोगिताका आयोजक ब्याडमिन्टन टिम मुग्लिनका अध्यक्ष रबि थापा मगरले जानकारी दिनुभयो । प्रतियोगितामा पुरुष तर्फ १८ र महिला तर्फ ६ गरि २४ टिमले सहभागिता जनाएका थिए ।