- शुक्रवार, कार्तिक १४ गते २०८३
TRENDING
मुग्लिन । चितवनको इच्छाकामना गाउँपालिका वडा नं. ५ का वडाध्यक्ष तेज बहादुर शेरचन पछिल्लो समय मनकारी वडाध्यक्षको रुपमा जनता माझ परिचित हुन थालेका छन् । उनी यति सम्म मनकारी देखिएका छन् कि जनप्रतिनिधि भए वापत राज्यबाट पाउने सबै सेवा सुविधा उनले जनताकै सेवाको लागि खर्च गरिदिएका छन् ।
्उनले इच्छाकामना गाउँपालिका वडा नं ५ भट्स्वरामा स्थानीयको सक्रियतामा ४० मिटर लामो सिढि लगाउने कार्य सुरु गरेको भएता पनि रकम अभाव भएर काम अधुरो भएको गुनासो आएपछि वडाध्यक्ष शेरचनले तलब वापत आएको रकमबाट ४६ हजार ८ सय ६० रुपैयाँ उपलब्ध गराई सिढी लगाउने काम सम्पन्न गरेका छन् ।
सो सिढीं बाटो स्थानीयको श्रमदान तथा वडा अध्यक्षको ब्यक्तिगत आर्थिक सहयोगले जनताले चिताएको काम पुरा भएको सिढी बाटो बनाउन नेतृत्व गरेका नन्दु विकले बताए ।
यस्तैगरि वडा नं ५ कै साठिमुरेमा आर्थिक रुपमा विपन्न धनबहादुर गुरुङको घर स्थानीय छिमेकीको सहयोगमा निर्माण गरिएको भएपनि रकम अभावले छाना छाउन नसकेपछि स्थानिय जनताको अनुरोधमा अध्यक्ष शेरचनले आफ्नै तलब भत्तबाट ३६ हजार रुपैयाँ बराबरको जस्ता पाता उपलब्ध गराई घर छाएका छन् ।
छरछिमेकीको सहयोगमा घर ठडिएको तर रकम अभावले छाना छाउन नसकेको आफुले प्रत्यक्ष देखेपछि छाना छाउन सहयोग गरेको वडा अध्यक्ष शेरचनले बताए। अध्यक्ष शेरचनले आफुलाई प्राप्त तलबको रकम आफ्नो व्यक्तिगत प्रयोजनका लागि खर्चिने भन्दापनि विपन्न जनताको आवश्यकतामा खर्चिदै जाने पनि बताए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
