- मंगलवार, कार्तिक १८ गते २०८३
TRENDING
काठमाण्डौ, २ माघ । कोरोना महामारीको खोपका लागि बुधबार सूचना जारी गरी ‘चन्दा’ आह्वान गरेको स्वास्थ्य तथा जनसङ्ख्या मन्त्रालयले त्यसबारे थप प्रष्टीकरण दिएको छ। प्रष्टीकरणमा स्वास्थ्य मन्त्रालयले त्यसरी संकलन हुने रकमको प्रयोजनको दायरा बढाएको जनाएको छ। बुधबार जारी सूचनामा सहयोग आह्वान गर्दा कोरोनाको खोपका लागि मात्र भनिएको थियो ।
आज मन्त्रालयले त्यो सूचनाको सम्बन्धमा थप स्पष्ट गर्दै विज्ञप्ति जारी गर्दा कोभिड–१९ का अतिरिक्त सरकारले सञ्चालन गरेका अन्य १२ खोपमा ‘चन्दा’को रकम प्रयोग गरिने उल्लेख छ । विभिन्न परोपकारी, एनजिओ, आइएनजिओ, व्यावसायिक तथा सामाजिक संस्थासँग कोरोना खोपका लागि भन्दै मन्त्रालयले सहयोग मागेको थियो । कोरोना खोपका लागि चन्दा आह्वान गरेको भन्दै उक्त सूचनाबारे चौतर्फी विरोध भएको थियो ।
अर्थ मन्त्रालयले कोरोना खोपका लागि पर्याप्त बजेट व्यवस्थापन भइसकेको जनाएको थियो । मन्त्रालयका प्रवक्ता जागेश्वर गौतमले जारी गरेको विज्ञप्तिमा त्यसरी रकम संकलन भए अन्य १२ खोपका लागि प्रयोग गर्ने भनिएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
