चितवन । ओसी ग्रुप सफ्टवेयर प्रालिले ‘मेरो डिस्काउन्टस्’ एप्स सञ्चालनमा ल्याएको छ। बिहीबार होटल व्यवसायी महासंघ नेपालका अध्यक्ष दिनेशकुमार चुकेले उक्त एप्सको शुभारम्भ गरेका हुन्। एप्सको शुभारम्भपछि प्रमुख अतिथि चुकेले सूचना, प्रविधिको युगमा ‘मेरो डिस्काउन्टस्’ले उपभोक्तालाई सबै सेवा एकैठाउँमा प्रदान गर्नेमा विश्वस्त रहेको बताए। 

हात–हातमा मोबाइल हुने भएकाले धेरै उपभोक्ताहरूमाझ यसको पहुँच पुग्ने उनले बताए। मोवाइकै माध्यमबाट सबै खालका सेवासुविधा एकै ठाउँमा पाउने हुँदा सेवाग्राहीलाई पनि सहज र उपभोक्तामैत्री सेवा प्रवाह हुने उनको भनाइ छ। पछिल्लो समय होटलका करिब ५० प्रतिशत कोठा अनलाइनबाटै बुकिङ हुने गरेको भन्दै अध्यक्ष चुकेले भने, ‘यो एप्सलाई होटल तथा रेष्टुराँहरूसहित सबै सेवासुविधा जोड्न सकिन्छ।’ 

उद्योग वाणिज्य संघ चितवनका अध्यक्ष चुननारायण श्रेष्ठले उत्पादित वस्तुको बजारीकरणमा अनलाइन बजार उत्कृष्ट गन्तव्य भएको बताए। डिजिटल मार्केटिङले वस्तुको उचित मूल्य पाउन सघाउ पु¥याउने भएकाले सबैको पहुँचमा एप्स लैजानु पर्ने अध्यक्ष श्रेष्ठल बताए। मौलिक उत्पादनलाई अन्तर्राष्ट्रिय बजारसम्म पु¥याउन डिजिटल बजारको मुख्य भूमिका हुने भएकाले एप्सले स्थानीय उत्पादनलाई प्रवद्र्धन गर्नुपर्नेमा श्रेष्ठले जोड दिए। 

मानिसको दैनिक जीवनमा नभई नहुने सम्पूर्ण आवश्यकता पूरा गर्ने उद्देश्यले एप्स सञ्चालनमा ल्याइएको कम्पनीका प्रमुख कार्यकारी अधिकृत प्रदीप चौधरीले जानकारी दिए। यो एप्सले नेपाली उपभोक्तालाई मात्र नभएर विदेशमा रहेका नेपाली तथा पर्यटकहरूलाई पनि फाइदा पु¥याउने उनले बताए। 

विश्व बजारमा रहेका प्रख्यात अनलाइन मञ्चको विशेष सुविधा यो एप्समा संलग्न गरी तयार पारिएको चौधरीको भनाइ छ। यस एप्सबाट व्यवसायीलाई उच्च ब्राण्डको स्पष्ट मञ्च प्रदान गरी व्यापार बढाउन मद्दत गर्ने चौधरीले बताए।