- बिहिवार, कार्तिक २० गते २०८३
TRENDING
सुसिला श्रेष्ठ, काठमाडौँ । ९ दिनपछि देशमा प्रदेश, प्रतिनिधि सभाको निर्वाचन हुँदैछ । देश चुनावमा होमिए पनि युवाहरू भने रोजगारीका लागि विदेशीनेक्रम रोकिएको छैन ।
भोट हाल्नकै लागि कतिपय नेपाली, मतदाता नामावली भएको क्षेत्रमा जाने योजना पनि बनाइरहेका छन् । तर हिमाल, पहाड, तराई, सबैतिर निर्वाचनको चर्चा भए पनि त्रिभुवन अन्तर्राष्ट्रिय विमानस्थल हुँदै देश छोड्नेहरूलाई भने निर्वाचनले छोएको छैन ।
नेताहरूले यसअघिको निर्वाचनका बेला गरेका रोजगारीको प्रतिबद्धता पूरा नगरेपछि विदेशिनु परेको सिरहाका शिव कुमार कठायतले बताउनुभयो ।
नेपालको संविधानले हरेक नागरिकलाई रोजगारी र आफ्ना मताधिकारको प्रयोग गर्न पाउने हकको व्यवस्था गरेको छ । तर यी दुवै अधिकार आपूmले प्रयोग गर्न नपाएको कैलालीका धनकुमारको भनाइ छ । विदेशमा रहेकाहरूको मताधिकारको प्रयोगका लागि सरकारले अनलाइन भोट हाल्ने व्यवस्था गर्नुपर्ने उहाँको भनाइ छ ।
देश निर्वाचनमय भईरहेको छ तर निर्वाचनले नेपाली युवालाई रोक्न सकिरहेको छैन । वैदेशिक रोजगार विभागका अनुसार हाल दैनिक दुई हजार नेपाली रोजागारीका लागि विदेशिने गरेका छन् ।
जुन अघिल्लो महिनाको तुलनामा २५ प्रतिशतले बढी भएको प्रवक्ता कृष्ण प्रसाद भुसालले जानकारी दिनुभयो । निर्वाचनका बेला एक भोटको महत्व निकै छ तर नेपालमै आवश्यक मात्रामाा रोजगारीको सिर्जना हुन नसक्दा ३५ लाख भोट खेर गइरहेको छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
