- बुधवार, कार्तिक १९ गते २०८३
TRENDING
काठमाण्डौ । निर्वाचन आयोगका प्रमुख निर्वाचन आयुक्त एवं पदाधिकारीहरूलेआगामी मङ्सिर ४ मा हुने निर्वाचनको तयारीका बारेमा राष्ट्रपति विद्यादेवी भण्डारीलाई जानकारी गराएका छन् । निर्वाचन आयोगका अनुसार राष्ट्रपति भवन शीतल निवासमा हिजो भएको भेटवार्तामा प्रमुख निर्वाचन आयुक्त दिनेशकुमार थपलियाले प्रतिनिधि सभा सदस्य र प्रदेश सभा सदस्य निर्वाचनको व्यवस्थापन र तयारीका बारेमा जानकारी गराउनुभएको थियो ।
भेटका क्रममा राष्ट्रपति भण्डारीबाट निर्वाचनको व्यवस्थापन र तयारीका लागि आयोगले देखाएको क्रियाशीलताप्रति सन्तोष व्यक्त गर्दै भयरहित वातावरणमा स्वच्छ, स्वतन्त्र र निष्पक्ष निर्वाचन गराउन आयोगले कुनै कसर बाँकी नराख्ने विश्वास व्यक्त गर्नुभएको थियो ।
निर्वाचनको निष्पक्षता कायम गर्ने विषय आयोगको मात्र नभएर राजनीतिक दल, उम्मेदवार एवं सम्बन्धित सबै सरोकारवाला र समुदायको पनि भएकाले सबैको सहयोग, समन्वय र अन्तरसम्बन्धबाट निर्वाचन सम्पन्न हुने विश्वास राष्ट्रपतिले व्यक्त गर्नुभएको निर्वाचन आयोगले जनाएको छ ।
भेटमा निर्वाचन आयोगका आयुक्तहरू रामप्रसाद भण्डारी र डा. जानकीकुमारी तुलाधर, सचिव गोकर्णमणि दुवाडी र सहसचिव शालिग्राम शर्मा पौडेल सहभागी हुनुहुन्थ्यो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
