- शनिवार, आश्विन ३ गते २०८३
TRENDING
काठमाण्डौ । स्थानीय तहहरूको समन्वयमा डेङ्गी सङ्क्रमण रोक्न गरिएको प्रयास प्रभावकारी नभएपछि सरकारले कसरी अघि बढ्ने भन्ने बारेमा सरोकारवाला निकायसँग छलफल गर्ने भएको छ ।
करिब १ साताअघि स्वास्थ्य तथा जनसङ्ख्या मन्त्रालयले डेङ्गी नियन्त्रणका लागि आवश्यक समन्वय गर्न सङ्घीय मामिला तथा सामान्य प्रशासन मन्त्रालयलाई अनुरोध गरेको थियो । तर त्यसअनुसारको नतिजा नआएको स्वास्थ्य तथा जनसङ्ख्या मन्त्री भवानीप्रसाद खापुङले सीआईएनसँग बताउनुभयो ।
हालसम्म नेपालमा डेङ्गीका कारण मृत्यु हुनेको सङ्ख्या २९ पुगेको छ । देशका ७६ जिल्लामा फैलिएको डेङ्गीबाट २२ हजारभन्दा धेरै सङ्क्रमित भएका छन् । सीआईएनसँग कुरा गर्दै एकजना जनस्वास्थ्यविज्ञ डा. खेम कार्कीले ‘खोज र नष्ट गर’ अभियान प्रभावकारी नभएका कारण डेङ्गी हिमाल, पहाड र तराइमा फैलिएको बताउनुभयो ।
डेङ्गी लामखुट्टेको टोकाइबाट सर्ने रोग हो । यसबाट बच्न पूरा बाहुला भएका कपडा लगाउन, झुल भित्र सुत्न तथा घर वरिपरि सरसफाइ गर्न, पानी जम्ने खाल्डाखुल्डी पुर्न चिकित्सकले सुझाव दिने गरेका छन् । नेपालमा पहिलो पटक २०६१ सालमा डेङ्गी देखिएको थियो ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
