- शनिवार, कार्तिक २२ गते २०८३
TRENDING
काठमाण्डौ । राष्ट्रिय सभाको आजको बैठकले नागरिकता विधेयक पारित गर्ने तयारी गरेको छ । दिउँसो ३ बजेका लागि बोलाइएको बैठकमा गृहमन्त्री बालकृष्ण खाणले नागरिकता विधेयक पारित गरियोस् भन्ने प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ ।
त्यसअघि विधेयकमाथि विधायन व्यवस्थापन समितिको प्रतिवेदनमाथि छलफल जारी रहने छ । गत साउन ६ गते प्रतिनिधि सभा र १२ गते राष्ट्रिय सभाबाट पारित भएको विधेयक १५ गते प्रमाणिकरणको लागि राष्ट्रपति समक्ष पठाइएपनि राष्ट्रपति विद्यादेवी भण्डारीले पुनर्विचारको लागि सुझाव दिँदै संसद्मा फिर्ता पठाउनुभएको थियो ।
त्यो विधेयक गत २ गते प्रतिनिधिसभाबाट पारित भएर राष्ट्रिय सभामा पठाइएको छ । अब राष्ट्रिय सभाले यो विधेयक पारित गरेको खण्डमा फेरि पनि प्रतिनिधि सभाले प्रमाणिकरणको लागि राष्ट्रपति समक्ष पठाउनेछ । यसअघि प्रमाणिकरण नगरेकाले दोस्रो पटक विधेयक फर्काउन नमिल्ने संवैधानिक प्रावधान छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
