- शनिवार, कार्तिक २२ गते २०८३
TRENDING
अन्जु कार्की,सोलुखुम्बु, ३ साउन । सोलुखुम्बुमा ढाकाको कपडाको माग बढ्न थालेपछि व्यवसायीहरू उत्साहित भएका छन् । विभिन्न सामाजिक कार्यक्रम होस् वा जुनसुकै समारोहमा पनि ढाकाको पहिरन आयोजक र सहभागीको प्राथमिकतामा पर्न थालेको छ ।
महिला उद्यमीको सीप, कलासँगै धेरैको रुचि ढाका कपडाको पहिरनमा बढ्दै गएको छ । बालबालिकादेखि युवा पुस्ताका लागि मैलिकतासँग जोडिएको ढाकाको कपडाको माग बढ्दै गएको सोलुखुम्बु ढाका उत्पादन केन्द्रका सञ्चालक पार्वती राईले बताउनुभयो ।
जिल्लामा ढाकाको टोपी, सल, कोट, कुर्ता, साडी जस्ता कपडा उत्पादन भइरहेको छ । विभिन्न कार्यालयका कर्मचारीहरूले ढाकाको कपडा लिने गरेको व्यवसायीहरुको बताउँछन् । ढाकाको एउटा सारीको मूल्य बुट्टा अनुसार १० देखि १८ हजार सम्म पर्छ । सोलुखुम्बुमा उत्पादित ढाकाको कपडाका सामग्री टिकाउ र गुणस्तरीय हुने दावी व्यवसायीको छ ।
सगरमाथाको दृश्यावलोकन गर्न आउने विदेशी तथा स्वदेशी पर्यटकको रोजाईमा सोलुखुम्बुमा उत्पादन भएको ढाकाको कपडा पर्ने गरेको छ । सोलुको कोशेलीको रुपमा ढाकाको कपडा लैजाने तथा दिने प्रचलन बढ्दा महिलाहरू उद्यमी बन्ने क्रम बढेको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
