आँबुखैरेनी विशेष

आँबुखैरेनी गाउँपालिकाले गणतन्त्र प्राप्तिको आन्दोलनमा सरिक शहिद, वेपत्ता, घाईते र अपाङ्गलाई मासिक ७ हजार निर्वाह भत्ता दिने

इच्छाकामना न्युज

१, श्रावण २०७९

आँबुखैरेनी गाउँपालिकाले गणतन्त्र प्राप्तिको आन्दोलनमा सरिक शहिद, वेपत्ता, घाईते र अपाङ्गलाई मासिक ७ हजार निर्वाह भत्ता दिने

आँबुखैरेनी, १ साउन । तनहुँको आँबुखैरेनी गाउँपालिकाले मुलुकमा गणतन्त्र प्राप्तिको लागि आन्दोलनमा सरिक हुदाँ शहिद, वेपत्ता, घाईते र अपाङ्ग भएकाहरुलाई जिवन निर्वाहको लागि पहिलो पटक मासिक भत्ताको व्यवस्था गर्ने भएको छ । गाउँपालिकाले आर्थिक वर्ष २०७९।०८० देखि लागु हुने गरि आँबुखैरेनी गाउँपालिकाबाट गणतन्त्र प्राप्तिको लागि आन्दोलनमा सरिक हुदाँ शहिद, वेपत्ता, घाईते र अपाङ्ग भएकाहरुलाई जनही मासिक ७ हजारको दरले निर्वाह भत्ता दिने व्यवस्था गर्न लागेको हो।

गाउँपालिकाले निति तथा कार्यक्रममा समेट्दै यो कार्यक्रमको लागि पहिलो वर्ष ७ लाख रुपैयाँ बजेट विनियोजन गरेको गाउँपालिका अध्यक्ष शुक्र चुमानले जानकारी दिए। उनले भने –‘यसका लागि हामीले बजेटको व्यवस्था गरिसकेका छौं, आवश्यक कार्यविधि निर्माण गरि शहिद, वेपत्ता, घाईते र अपाङ्ग भएकाहरुको जिवन निर्वाहका लागि भत्ता वितरण गर्नेछौं ।’

गाउँपालिकाले यतिमात्र नभै सहिदहरुको स्मृति र सम्मानमा आँबुगाउँमा वृहत शहिद पार्क समेत निर्माण गर्ने अध्यक्ष चुमानले जनाकारी दिए। उनका अनुसार पार्क निर्माणको लागि समेत गाउँपालिकाले ५० लाख रुपैयाँ बजेट विनियोजन गरेको छ ।