इच्छाकामना विशेष

योजना अनुगमनलाई तिव्रता दिदै इच्छाकामना गाउँपालिका अध्यक्ष दान बहादुर गुरुङ

इच्छाकामना न्युज

३०, आषाढ २०७९

योजना अनुगमनलाई तिव्रता दिदै इच्छाकामना गाउँपालिका अध्यक्ष दान बहादुर गुरुङ

कुरिनटार, ३० असार । चितवनको एकमात्र गाउँपालिका इच्छाकामनाका अध्यक्ष दान बहादुर गुरुङले गाउँपालिकामा सञ्चालित विभिन्न आयोजनाहरुको निरन्तर अनुगमनलाई तिव्रता दिएको छ । अध्यक्ष गुरुङले आज पनि गाउँपालिकाका करिब आधा दर्जन आयोजनाहरुको अनुगमन गरेको छ ।

उनले गाउँपालिका वडा नं. ३ अन्तर्गत आधारभुत स्वास्थ्य केन्द्र माझगाउँको भवन, राआवि चौताराको पहिरो संरक्षण, निर्माणिधिन इच्छाकामना मन्दिर, फिस्लिङ तरकारी संकलन केन्द्र, चुम्लिङटारमा अवस्थित शिवालय मन्दिर, वडा नं. ३ को वडाकार्यालय भवन लगायत आयोजनाहरुको अनुगमन गरेका छन्।

यस्तै गाउँपालिकाको आगामी वर्षको योजनाका लागि प्रस्तावित भएको मुख्य सडकहरु फिस्लिङ–तोक्दाङ्ग–वल्र्याङ्ग सडक (संघको बजेट २५ करोड), तोक्दाङ्ग–सोरा सडक (१८ लाख) र रुप्लाङ्ग सडक (८ लाख) को स्थलगत अनुगमन गरेका छन्।

अनुगमन पश्चात अध्यक्ष गुरुङले स्थानीयहरु सामु फिस्लिङ तरकारी संकलन केन्द्रलाई तत्काल व्यवस्थित गरि संचालन गर्ने र किसानहरुलाई आवश्यक सहयोग गर्ने प्रतिबद्धता व्यक्त गरेका छन्।

यस्तै अधुरा योजनालाइ तत्काल पुरा गर्न सुझाव दिनुका साथै आगामी बर्षमा संचालन हुने योजनाहरुको आवश्यकता र औचित्यको लागि पनि योजनाहरुको अवलोकन गरिएको अध्यक्ष गुरुङले बताए। साथै योजना अनुगमन पश्चात योजनाहरुलाइ समयमै प्रभावकारी रुपमा कसरी सम्पन्न गर्न सकिन्छ भने स्थानीयहरुसँग समेत छलफल गरेको बताए।

अध्यक्ष गुरुङको नेतृत्व रहेको अनुगमन टोलीमा वडा नं. ३ का वडाध्यक्ष नर बहादुर नेपाल, गाउँपालिकाका प्राविधिक भरत गुरुङ लगायत रहेका थिए।