साझा यातायात

साझा यातायातले दशैसम्म ३७ वटा बिजुली बस भित्र्याउने

सिआईएन

३०, आषाढ २०७९

साझा यातायातले दशैसम्म ३७ वटा बिजुली बस भित्र्याउने

अविनाश आचार्य, काठमाडौँ, ३० असार । साझा यातायातले दशैसम्म ३७ वटा बिजुली बस भित्¥याउने लक्ष्य लिएको छ ।विगत सात दिनदेखी काठमाडाँै उपत्यकामा तीन वटा विद्युतीय बस सञ्चालन गरिरहेको साझाले तिहारभित्र काठमाडौँ उपत्यकाका सडकमा यस्ता ४० वटा बस गुड्ने बताएको छ ।

आयोजना ब्यवस्थापक गौरव राज पाण्डेका अनुसार एक सय ६१ युनिट विजुलीले झण्डै दुई सय किलोमिटर यात्रा गर्न सकिने बिजुली बस ईन्धनको तुलनामा सुलभ पनि रहेको जानकारी दिनुभयो । खरिद मूल्य तुलनात्मक रुपमा चार गुणा महँगो पर्ने भए पनि यात्रुहरूले भने अन्य बस सरह नै भाडा तिरिरहेका छन् ।

२६ सिट क्षमताको बसमा चार वटा सिसिटिभि क्यामेरा जोडिएको छ, जस मार्फत केन्द्रीय कार्यालयले निरन्तर निगरानी गरिरहेको हुन्छ । महिला, अपाङ्गता भएका व्यक्ति र अशक्त बालबालिकाका लागि समेत छुट्टै सिटको ब्यवस्था छ । साझाका बिजुली बसमा यात्रुको सुरक्षाका लागि आवश्यक सबैखाले प्रविधि जोडिएको छ । जसले सडक दुर्घटनाको जोखिमको बारेमा, सचेत गराउने काम पनि गर्छ ।

यस्ता बिजुली बसलाई प्राथमिकतामा राख्न सके इन्धन मात्रै नभइ वातावरण जोगाउन पनि सहयोग पुग्ने सरोकारवालाहरू बताउँछन् । चालु आर्थिक वर्षको बैशाखसम्म नेपालमाएक खर्ब २३ अर्ब बढीको डिजेल खपत भएको छ । यही अवधिमा पेट्रोलको आयात गतवर्षको तुलनामा एक सय ४ प्रतिशतले बढेको छ ।