- शनिवार, कार्तिक २२ गते २०८३
TRENDING
पवित्रा पराजुली, नवलपुर, १५ असार । अर्मपर्मको चलन हराउँदै जाँदा रोपाईँ खर्च बढेको किसानहरूले बताएका छन् । अर्मपर्मको चलन हराउँदै जाँदा धान उत्पादनको लागत पनि बढाएको छ । मकै स्याहार्न र धान रोप्न व्यस्त किसानहरू खेताला नपाउँदा हैरान छन् ।
राँगा र गोरु प्रयोग गरेर खेत जोत्ने चलनसमेत हराउँदा गाउँघरमा बाउसे र रोपार पनि भेटिन छाडेको छ । जसले खेतिपातीलाई असजिलो बनाएको नवलपरासी गैँडाकोटका राधा सुवेदीले बताउनुभयो ।धान बेचेरै वर्षभरिको खर्च धानिने भए पनि महङ्गी बढेसँगै खेती गर्न गाह्रो भएको स्थानीयवासी खिमानन्द सापकोटाको भनाइ छ ।
गाउँघरमा युवा पुस्ताका मानिसहरू नहुँदा खेती लगाउने बेलामा अर्मपर्म कम, ज्याला मजदुरी बढि हुन्छ । एकजना खेतालाले एक घण्टाको एक सय २० रुपैयाँ ज्याला लिन्छन् भने ट्याक्टरले प्रति मिनेट ४५ रुपैयाँ लिन्छ । धान रोप्ने समयमा मल बीउ नपाउने र खेतालाको समस्यासँगै उत्पादन पछि उचित मुल्य नपाइने किसानहरू बताउँछन् ।
गैँडाकोट नगरपालिकाले यस वर्ष धान प्रवद्र्धनका लागि २० लाख रुपैयाँ छुट्याएको छ । जसमा मेसिन खरिद देखी मल बीउसम्मका कुरा समेटिएका छन् । तर सहकार्यका लागि किसान तयार नहुँदा धान रोप्ने मेसिन किन्न नसकिएको गैँडाकोट नगरपालिकाको कृषि शाखाका नायव प्राविधिक सहायक सुरक्षा पौडेलले बताउनुभयो ।
गैँडाकोट नगरपालिकाले आगामी आर्थिक वर्षका लागि कृषिमा ६० लाख रुपैयाँ छुट्याएको छ । कृषिलाई व्यवसायिक बनाउन र उत्पादन बढाउन त्यो बजेट अपुग हुने किसानहरू बताउँछन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
