- शनिवार, कार्तिक २२ गते २०८३
TRENDING
काठमाण्डौ, १३ असार । अर्थमन्त्री जनार्दन शर्माले सबैको सुझाबको आधारमा बजेट निर्माण गरेको भन्दै बजेट बनाउँदा करका दर हेरफेर गर्ने अधिकार अर्थमन्त्रीमा निहीत रहेको जवाफ दिनुभएको छ ।
राष्ट्रियसभामा उठेका प्रश्नहरूको जवाफ दिँदै मन्त्री शर्माले करका दर बढाउँदा देश र जनतालाई हित गरे नगरेको हेर्ने, उद्योगलाइ परेको असरबारेमा थाहा पाउनर करको दर घटबढ गर्ने अधिकार अर्थमन्त्रीको रहेको दाबी गर्नुभयो ।सबै वर्गको सुझावका आधारमा बजेट प्रस्तुत गरिएको उहाँको दावी छ । कसैले राजीनामा माग्दैमा आफूले नदिने पनि उहाँले बताउनुभएको छ ।
बजेट देश र जनताको पक्षमा ल्याएको दाबी गर्दै उहाँले कसैलाई अनैतिक लागेर राजीनामा दिनुपर्ने माग उठ्दैमा त्यहीं गर्नुपर्छ भन्ने नभएको टिप्पणी गर्नुभयो । बजेटमा कृषि क्षेत्रको रुपान्तरण गर्ने विषय समेटिएको उहाँको भनाइ रहेको छ ।
चालु आर्थिक वर्षमा हालसम्म ३ खर्ब ५८ अर्बको खाद्यान्न आयात भएको बताउँदै उहाँले यसलाई प्रतिस्थापन गर्नेगरी बजेटमा विभिन्न उद्योगका लागि कच्चा पदार्थमा छुट दिइएको जानकारी गराउनुभयो । बजेटले बिजुली गाडीलाई प्रोत्साहन गर्न खोजिएको र डलरको मूल्यवृद्धि र पेट्रोलको मूल्यवृद्धिले मुद्रा सञ्चिति घटेको उहाँको भनाइ थियो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
