- शनिवार, कार्तिक २२ गते २०८३
TRENDING
काठमाण्डौ, ८ असार । वायु सेवा सञ्चालक सङ्घ नेपालले तत्कालका लागि आन्दोलन स्थगित गर्ने भएको छ । आन्दोलन स्थगित भएसँगै आजबाट नियमित हवाई उडान पनि सुचारु हुने भएको सङ्घले जनाएको छ ।
हवाई क्षेत्रमा रहेका दीर्घकालीन समस्या समाधानको माग राख्दै सङ्घले आजदेखि नियमित उडान रोक्ने घोषणा गरेको थियो । तर, गयराति सरकारसँग भएको वार्ता पछि तत्कालका लागि आन्दोलन स्थगित गरेर उडान नियमित गर्ने सहमति भएको सङ्घका प्रवक्ता योगराज कँडेलले सीआईएनसँग बताउनुभयो ।
विमानस्थल सेवा शुल्क नियमावली, २०७८ मा यात्रु सेवा शुल्क ल्यान्डिङ, पार्किङ, नेभिगेसन लगायतका सम्पूर्ण शुल्क वृद्धि फिर्ता लिई पूर्ववत् कायम गर्न सङ्घको माग रहेको छ ।
यस्तै त्रिभुवन अन्तर्राष्ट्रिय विमानस्थलमा हेलिकप्टर सञ्चालनका लागि दीर्घकालीन हेलिप्याड, मर्मत सम्भारका लागि ह्याङर लगायतका भौतिक पूर्वाधारहरुका लागि स्थान उपलब्ध गराउनुपर्ने पनि सङ्घले माग गरेको छ ।
सङ्घको मागको विषयमा आज पनि सरकारसँग १२ बजे छलफल हुने प्रवक्ता कँडेलले बताउनुभयो । उहाँले हिजो भएको वार्तामा सरकार हाम्रा मागप्रति सकारात्मक भएको र आज पुनः १२ बजे वार्ताका लागि बोालाइएको जानकारी दिनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
