- मंगलवार, भाद्र ९ गते २०८३
TRENDING
पवित्रा पराजुली, नवलपरासी, १७ जेठ । चितवनको भरतपुर महानगरपालिकाले दूध उत्पादन गर्ने किसानका लागि प्रतिलिटर तीनरूपैयाँ अनुदान दिँदै आएको छ । दूध उत्पादन बढाउनको लागि किसानलाई राहत र प्रोत्साहन दिन यो कार्यक्रम सञ्चालन गरिएको हो । तर, किसान भने लागत अनुसारको अनुदान प्राप्त नभएको बताउँछन् । भरतपुर पाँच तोरीखेतका उदयराज भण्डारीले नौ वर्षअघिबाट पशुपालन गर्दै आएको बताउनुभयो ।
लागत धेरै भएपनि सरकारले दिने ३ रूपैयाँ अनुदान भने कम भएको उहाँको गूनासो छ । दूध उत्पादन गर्ने किसानहरूलाई प्रतिलिटर१ रुपैयाँ अनुदान दिँदै आएको महानगरपालिकाले अघिल्लो वर्ष मूल्य बढाएर ३ रूपैैयाँ बनाएको हो । तर दाना र परालको मूल्य बढेकाले अनुदान रकम पर्याप्त नभएको किसान रामचन्द्र लम्सालले बताउनुभयो ।
महानगरपालिकाले उपलब्ध गराउने रकम किसानको बैँक खातामा हरेक महिना जम्मा हुने गरेको छ । किसानलाई थप व्यावसायिक बनाउन उनीहरूको समस्या अनुसारको सहयोग गर्न महानगरपालिका तयार रहेको आर्थिक विकास महाशाखाका उप सचिव तेजेन्द्र प्रसाद पौडेलले बताउनुभयो । दाना तथा परालमा पनि केही प्रतिशत अनुदानको व्यवस्था भएमा सजिलो हुने किसानको भनाइ छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
